Keçid linkləri

Təcili xəbərlər
2019, 08 Dekabr, bazar, Bakı vaxtı 16:43

Poroshenko-nun deputat toxunulmazlığının alınması istənir


Petro Poroshenko

Ukraynanın Dövlət Təhqiqatlar Bürosu ölkənin Baş Prokurorluğuna keçmiş prezident Petro Poroshenko-ya dair şübhələrini ifadə edən məktub göndərib.

Dövlət bürosu söhbətin cinayət işindən getdiyini bildirir. Müstəntiqlər deyirlər ki, keçmiş prezident konstitusiya quruluşunun devrilməsinə çağırışda və hakimiyyətdən sui-istifadədə şübhəli bilinir.

Büro Baş Prokurorluqdan Poroshenko-nun deputat toxunulmazlığından məhrum edilməsi üçün Dövlət Radasına müraciət edilməsini rica edir.

Ukrayna qanunvericiliynə görə ölkədə deputat toxunulmazlığının ləğvinə dair qanun 2020-ci il, yanvarın 1-dən qüvvəyə minməlidir.

Poroshenko-nun “Avropa Həmrəyliyi” partiyasının mətbuat xidməti bildirib ki, “Rusiyanın sifarişi olan bu şübhələrdən məqsəd beşinci prezidentin reputasiyasına zərbə vurulması, habelə onun bi sıra xarici səfər və görüşlərinin qarşısının alınmasıdır”.

Petro Porosheno-nun özü isə bu ittihamları “ağlasığmaz axmaqlıq” adlandırıb və əlavə edib ki, ona qarşı işin heç bir siyasi çəkisi yoxdur.

Keçmiş prezident bildirib ki, bu xəbəri eşidəndə Türkiyədə idi, amma səfərini qorxmadığını göstərmək üçün yarımçıq kəsərək qayıdıb.

Poroshenko-nun sözlərinə görə ona qarşı təhqiqata başlanmasının təşəbbüsçüsü Viktor Yanukovych-in keçmiş komandasıdır.

Bundan əvvəl Dövlət Təhqiqatlar Bürosu Poroshenko-ya aidiyyəti olan 13 cinayət işinin mövcud olduğunu bildirmişdi.

Vəkillər deyirlər ki, bəzi epizodlar üzrə deputatın prosessual statusu yoxdur.

Ukrayna mediası diqqəti belə bir məqama çəkir ki, Poroshenko-ya qarşı işlərə Volodymyr Zelenskiy prezident seçiləndən sonra başlanıb.

Bu da qeyd olunur ki, bu işlərdən bəzilərinin təşəbbüsü keçmiş moskvayönlü prezidnet Yanukovych-in administrasiya rəhbərinin müavini Andrey Portnovdan gəlir.

O habelə indiki prezidentin administrasiya rəhbəri Andrey Bogdan-la tanışdır.

Poroshenko bəyan edib ki, o məsuliyyətdən və mümkün cinayət təqibindən qorxmur.

Onun sözlərinə görə Portnov Dövlət Təhqiqatlar Bürosuna təsir göstərib.

Şərhlər

Günün bütün mövzuları

XS
SM
MD
LG