Keçid linkləri

2024, 16 İyun, bazar, Bakı vaxtı 04:36

Pis qidaya görə ölüm "reytinqi". Azərbaycan 6-cı yerdədir


Almaniyada yerləşən Fridrix Şiller adına Yen universitetinin alimləri düzgün qidalanmamaq üzündən ölüm hallarının ən çox olduğu ölkələrin reytinqini hazırlayıblar. Siyahının ilk onluğunda keçmiş sövet ölkələri yer alır.

Almaniyada yerləşən Fridrix Şiller adına Yen universitetinin alimləri düzgün qidalanmamaq üzündən ölüm hallarının ən çox olduğu ölkələrin reytinqini hazırlayıblar. Siyahının ilk onluğunda keçmiş sövet ölkələri yer alır. Tədqiqatın aparılmasını Ümumdünya Səhiyyə Təşkilatı sifariş verib.

Siyahıda 1-ci yeri Özbəkistan tutur, orada hər 100 000 nəfərə 394 ölüm halı qeydə alınıb. Bundan əlavə hər il bu ölkədə 65 000 nəfər ürək-damar xəstəlikləri nəticəsində ölür. Bu ölümlərin hamısı pis qida ilə əlaqəlidir.

56 ölkə üzrə aparılan tədqiqatın ilk onluğu (hər 100 000 nəfərə ölüm halı):

  • Özbəkistan (394)
  • Türkmənistan (376)
  • Qırğızıstan (350)
  • Ukrayna (349)
  • Moldova (328)
  • Azərbaycan (319)
  • Belarus (313)
  • Tacikistan (310)
  • Qazaxıstan (306)
  • Rusiya (291)

Tədqiqat müəllifləri bildirirlər ki, bu ölkələrdə yeməyin tərkibində duz yüksək miqdarda olduğundan vətəndaşlar müxtəlif xəstəliklərdən əziyyət çəkiblər, bundan başqa onların rasionlarında tərəvəz, qoz-fındıq və taxıl məhsulları olduqca az olub.

Qərbi Avropa ölkələrində isə vəziyyət Asiya və Şərqi Avropadan xeyli yaxşıdır. Bu regionda Almaniya pis qidalanmaya görə 100 nəfərdən çox adamın öldüyü yeganə ölkədir. Alimlərin gəldiyi qənaətə görə İspaniya, İsrail və Fransa ən yaxşı qidalkanan ölkələrdir. Bu ölkələrdə bu cür ölümlərin sayı hər 100 000 nəfərə 43-46 nəfərdir.

Alimlər deyirlər ki, balanslaşdırılmış pəhriz sayəsində hər 5-ci erkən ölümü qabaqlamaq olar.

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG