Keçid linkləri

2024, 13 İyun, Cümə axşamı, Bakı vaxtı 15:44

Spiker Pelosi Trump-ı təhqiqatı ‘ört-basdır’ etməkdə günahlandırır


Nancy Pelosi
Nancy Pelosi

ABŞ Konqresində Nümayəndələr Palatasının spikeri Nancy Pelosi mayın 22-də demokrat millət vəkilləri ilə görüşdən sonra prezident Donald Trump-ı Rusiyanın 2016-cı il ABŞ seçkisinə müdaxiləsini və prezidentin maliyyə və biznesini araşdıran təhqiqatları “ört-basdır” etməklə məşğul olmaqda ittiham edib:

"Birləşmiş Ştatların prezidenti də daxil, heç kim qanundan yuxarı deyil. Biz inanırıq ki, Birləşmiş Ştatların prezidenti ört-basdırla məşğuldur”.

Trump bu ittihama dərhal cavab verib və deyib ki, o “ört-basdırla” məşğul deyil və onun barəsində “qondarma təhqiqatlar” qurtarmayınca demokratlarla nə infrastruktur, nə də başqa məsələləri müzakirə etməyəcək.

Mayın 22-də Trump Pelosi və başqa vəzifəli demokratlarla apardığı infrastruktur müzakirələrini yarımçıq dayandırıb.

Hazırda Konrqesin bir neçə komitəsi, 2016-cı il seçkisinə Rusiyanın müdaxiləsinə, habelə Trump-ın ədalətə mümkün maneçiliyinə dair təhqiqat aparan xüsüsi prokuror Robert Mueller-lə paralel olaraq Trump-ın maliyyə və biznes fəaliyyətini araşdırır.

Mueller hesabatının ötən ay açıqlanmış redaktəli variantında ABŞ kəşfiyyatının Rusiyanın Amerika seçkisinə müdaxiləsinə dair qiymətləndirməsi təsdiq edilib, habelə Trump-ın ədalətə mane olmaq cəhdləri sənədləşdirilib.

Lakin Mueller-in gəldiyi nəticəyə görə Trump və ya onun komandasının Rusiya rəsmiləri ilə sövdələşməyə girməklə cinayət törətdiklərinin isbatı üçün kifayət qədər sübut olmayıb. Buna baxmayaraq hesabat Trump-ı və onun yoldaşlarını təmizə də çıxarmayıb.

Mueller-in hesabatı açıqlanandan bəri respublikaçı prezidentlə demokratların çoxluğa malik olduğu Nümayəndələr Palatası arasında çəkişmələr başlayıb.

Respublikaçıların çoxluğa malik olduğu Senat əsasən Trump-ı dəstəkləyir.

Trump özünün indiki və keçmiş əməkdaşlarının Konqres komitələrində ifadə verməsinə mane olur.

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG