Keçid linkləri

2024, 17 İyun, Bazar ertəsi, Bakı vaxtı 08:09

Patriarx Kirill müharibəni ‘gey-parad’la əlaqələndirdi


Vladimir Putin (solda) və Patriarx Kirill, arxiv fotosu
Vladimir Putin (solda) və Patriarx Kirill, arxiv fotosu

Bir müddət öncə Rus Pravoslav Kilsəsinin bir qrup din xadimi sülhə çağıran açıq məktub imzalayıb. Digər bir qurum isə Rusiya hakimiyyətinin rəsmi mövqeyini dəstəkləyir

Rusiya Pravoslav Kilsəsinin başçısı Patriarx Kirill Ukraynaya qarşı müharibəni dəstəkləyib. O, martın 6-də Xilaskar İsa məbədində çıxışı zamanı Rusiyanın Ukraynaya hücumuna birbaşa dəstək ifadə etməsə də, bu hücumu əsaslandırmağa çalışıb.

Patriarx deyib ki, “hərbi əməliyyatların başlanğıcı” olan indiki vəziyyət bəzi qüvvələrin səkkiz il ərzində Donbasda mövcud olanları məhv etmək cəhdiylə bağlıdır.

Ukraynanın şərqindəki rusiyapərəst separatçıların “DXR” və “LXR” adlı separatçı qurumlarını Rusiya Prezidenti Vladimir Putin fevralın 22-də tanıyıb. İki gün sonra isə Ukraynaya hücuma keçib.

Rusiya malları Azərbaycanda ucuzlaşacaqmı?
Gözlə

No media source currently available

0:00 0:04:16 0:00

Sadiqliyin sınağı?

Kirill “hazırda dünyada hakimiyyətə iddia edənlər”in təklif etdiyi “qondarma dəyərlər”in prinsipial şəkildə qəbul edilməməsindən, “gey-paradlar”dan danışıb. “Bir çoxları qarşısında gey-paradların keçirilməsi tələbinin qoyulması həmin o qüdrətli dünyaya sadiqliyin sınağı hesab edilir”, – patriarx deyib.

Onun sözlərinə görə, “bu gün həmin mövzu ətrafında real müharibə gedir”. O əlavə edib ki, pravoslavlar Donbasdakı qardaşları ilə “birlikdə olmaya bilməzlər”. O, sülh üçün dua etməyə çağırıb, amma Ukrayna deyil, Donbasın adını çəkib.

NATO Ukraynanın 'uçuşsuz zona' müraciətini rədd edir
Gözlə

No media source currently available

0:00 0:00:53 0:00

Bir müddət öncə Rus Pravoslav Kilsəsinin bir qrup din xadimi sülhə çağıran açıq məktub imzalayıb. Digər bir qurum isə Rusiya hakimiyyətinin rəsmi mövqeyini dəstəkləyir.

Ukrayna Prezidenti Volodimir Zelenski isə dünənki çıxışında yüzlərlə qurbanı, minlərlə iztirabı bağışlamayacaqlarını deyib. “Allah da əfv etməyəcək. Nə bu gün, nə sabah. Heç vaxt”, – o vurğulayıb.

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG