Ermənistanın baş naziri Nikol Pashinyan oktyabrın 1-də “Respublika” partiyasının parlamentdəki fraksiyasının lideri Vagram Bagdasaryanla vaxtındanəvvəl paqrlament seçkisini müzakirə edib.
Bu barədə AzadlıqRadiosunun erməni xidməti məlumat yayıb.
Pashinyan görüşdən sonra deyib ki, hələlik “Respublika” partiyasının seçkiyə razılığını ala bilməyib:
“Respublikaçılar açıq şəkildə deyirlər ki, parlament seçkisi 2020-ci ildə keçirilməlidir. Mənsə hesab edirəm ki, bu konstruktiv mövqe deyil. Çünki siyasi proseslər sonda göstərdi ki, vaxtındanəvvəl seçki bu gün Ermənistan vətəndaşlarının qarşısında duran bir nömrəli məsələdir. Deməli bu məsələ həll olunmaynca ölkdəki digər məsələlərdən heç biri həll olunmayacaq. Və əgər hansısa bir siyasi qüvvə bu prosesə qarşı çıxsa, deməli istəyir ki, xalq hələ gözləmə mövqeində qalsın. Ama bu düzgün yanaşma deyil”, Pashinyan deyib.
Vaqram Baqdasaryan deyir ki, o 49 respublikaçının adından söhbət aparıb. O ki, qaldı “Respublika” partiyasının vaxtından əvvəl seçkilərə nəyə görə razılıq verməməsilə bağlı suala, Baqdasaryan deyib ki, danışıqlar hələ davam etdirilir.
Qeyd edək ki, keçmiş hakim ”Respublika” partiyasına Pshinyanın təşkil etdiyi etirazlarla hakimiyyətədn kənarlaşdırılan Serz Sarkisyan rəhbərlik edir.
Baş nazir Nikol Pashinyan oktyabrın 1-də vaxtındanəvvəl seçki ilə bağlı parlamentəki fraksiyalarla danışıqlara başladığını bəyan edib.
O hesab edir ki, son aylar ölkədə baş verən proseslər, parlamentdə ümidsiz vəziyyət yarandığını göstərir.
