Tenge 8,5 faiz düşdü
Qazaxıstanda milli valyuta olan tenge cümə günündən bəri dollara nisbətdə 8,5 faiz düşüb.
"Novosti Kazakhstan" agentliyi bildirir ki, cümə günü Qazaxıstan Fond Birjası (KASE) bağlanada 1 dollar 252 tenge idi, bazar ertəsi birja açılanda 1 dollar 273 tenge olub.
Gələn ilin büdcə layihəsində 1 barrel neft 50 dollardan götürülür
Azərbaycanın 2016-cı ilin dövlət və icmal büdcələri üzrə layihələrdə neftin bir barreli 50 dollardan götürülür. Bunu APA Economicsə Maliyyə nazirliyindən bildiriblər. Manatın məzənnəsi isə 1 dollara 1,05 manat götürülür.
Gələn ilin büdcəsi bu ilkindən 5 milyard azdır
2016-cı ildə dövlət büdcəsinin gəlirləri ümumi daxili məhsulun 25,2%-i həcmində - 14 mlrd. 566 mln. manat proqnozlaşdırılır. Bu, 2015-ci ilin büdcəsindən 5 milyard manat azdır. Gələn ilə dövlət büdcəsinin xərcləri isə ümumi daxili məhsulun 28,2% - 16,264 mln. manat həcmində proqnozlaşdırılır.
Milli Məclis Avropa Parlamentinə cavab verdi
Avropa Parlamentinin Azərbaycan qətnaməsinə cavab olaraq Milli Məclis də öz qərarını verib. Qərarda deyilir:
- Azərbaycana qarşı pozucu fəaliyyətlərə və qərəzli kampaniyalara son qoyulsun;
- Avropa Parlamentinin nüfuzuna xələl gətirən fəaliyyətin qarşısı alınsın;
- Azərbaycan nümayəndə heyətinin Avronest Parlament Assambleyasının iclaslarında iştirak etməsinə son qoyulsun, fəaliyyəti dayandırılsın;
- Nazirlər Kabinetinə tapşırılsın ki, Azərbaycanın məsul şəxsləri ilə bağlı sanksiya tətbiq olunacağı təqdirdə, Avropa Parlamenti üzvlərinin Azərbaycana girişinə qadağa qoyulsun.