Keçid linkləri

2024, 19 Mart, çərşənbə axşamı, Bakı vaxtı 11:45

Osventsimdə çılpaq aksiya keçirənlər cəzalandırıldı


Keçmiş siyasi məhbus Ales Byalyatskinin oğlu Adam Byalyatski
Keçmiş siyasi məhbus Ales Byalyatskinin oğlu Adam Byalyatski

Polşa məhkəməsi tanınmış Belarus insan haqları fəalının oğlunu və daha 11 nəfəri Osventsim nasist düşərgəsi xatirə kompleksində çılpaq etiraz aksiyası keçirməklə qurbanların xatirəsinə hörmətsizlikdə ittiham edib. Etirazçılar bu aksiya zamanı ölüm düşərgəsinin darvazası qarşısında quzu kəsmişdilər.

Belarus müxalifətinin nümayəndəsi və fəal Ales Byalyatskinin oğlu Adam Byalyatski 24 mart 2017-ci il aksiyasının iki təşkilatçısından biri olaraq ittiham edilir. O keçirdikləri aksiyanı “antimüharibə etirazı” adlandırsa da, məhkəmə yanvarın 17-də onu 18 ay müddətinə azadlıqdan məhrum edən hökm çıxarıb.

Digər təşkilatçı Mikita Valadzko Osventsim şəhər məhkəməsi tərəfindən 14 ay müddətinə azadlıqdan məhrum edilib.

Məhkəmə çılpaq aksiyada iştirak etmiş başqa 10 nəfər barəsində 12 aylıq ictimai əmək xidməti cəzası təyin edib. Bunların arasında iki belarus, bir ukraynalı, bir alman və 6 polyak var.

Adam Byalyatski
Adam Byalyatski

Polşadakı teatr institutunun tələbələri olan Byalyatski və Valadzko ictimai yerdə heyvan öldürdüklərinə görə hərəsi 600 dollar məbləğində cərimə edilib.

Onlar quzunu Osventsimdə üzərində “Arbeit Macht Frei” – “Əmək azad edir” yazılmış bədnam düşərgə darvazasının altında kəsiblər.

Bundan başqa aksiyaçılar darvazadan “Love” – “Məhəbbət” yazılmış bayraq asmışdılar. Bayraq elə asılmışdı ki, darvazanın üstündəki yazı “Love Macht Frei” – “Məhəbbət azad edir” şəklində oxunurdu.

12 nəfərdən ibarət qrupdakılar paltarlarını soyunmuş və özlərini bir-birlərinə qandallayaraq oturmuşdular.

İkinci Dünya Müharibəsi zamanı bu düşərgədə əsirlər saxlananda bura yeni məhbusları məhz etirazçıların oturduğu çığırla gətirirdlər.

Nalsim Valadzko
Nalsim Valadzko

Valadzko AzadlıqRadiosuna deyib ki, onların bu aksiyadan məqsədi adamların Osventsim müsibətindən heç bir ibrət dərsi götürmədiklərini qabartmaq olub.

Valadzko habelə israr edib ki, onlar bu düşərgədə həyatını itirmiş 1 milyon yəhudinin xatirəsinə hörmətsizlik etmək istəməyiblər.

O bildirib ki, elə özü də yəhudidir və qohumlarından Holokostda ölənlər oluib.

Lakin Osventsim-Birkenau Muzeyinin rəhbərliyi tamam fərqli mövqedədir. Onlar düşünürlər ki, Osventsimdə hər hansı çılpaq aksiyanın keçirilməsi ölənlərin ruhlarına hörmətsizlikdir.

Byalyatskinin atası Belarusun keçmiş siyasi məhbuslarındandır.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG