Terrorçu “Al Qaeda” təşkilatının başçısı Osama Bin Ladenin oğlu Hamza ben Laden öldürülüb. Açıqlamada onun Amerika Birləşmiş Ştatlarının keçirdiyi xüsusi əməliyyat zamanı öldürüldüyü bildirilir.
Bu barədə şənbə günü -sentyabrın 14-də Ağ Ev məlumat yayıb. Məlumatda qeyd olunur ki, o Pakistan- Əfqanıstan sərhədi yaxınlığında öldürülüb.
"Hamza bin Ladenin itkisi al-Qaedani vacib rəhbərlik bacarığından və atası ilə simvolik əlaqədən məhrum etməklə yanaşı, qrupun mühüm əməliyyat fəaliyyətini də pozur" -deyə açıqlamada bildirilir.
Təxminən 30 yaşında olduğu güman edilən Hamzanin 2001-ci ilin 11 sentyabr terrorundan əvvəl Əfqanıstanda atasının yanında olduğu bildirilir.
Atasının ödürlməsindən sonra qərb paytaxtlarında terror aktlarına çağırış etdiyi və atasının ölümünə görə ABŞ-dan qisas alacağı ilə bağlı təhdidlərdən sonra Dövlət Departamenti 2017-ci ildə onu beynəlxalq terrorçu elan edib.
Reuters agentliyi hələ iyulun 31-də məlumatlı ABŞ rəsmisinə istinadla Hamzanın öldürüldüyünü yazmışdı. Sentyabrın14-də verilən bəyanatla ABŞ hökuməti ilk dəfə əməliyyatı təsdiqləyib.
Terrorçu “Al Qaeda” təşkilatının başçısı Osama Bin Ladenin özü 2011-ci il mayın 2-də ABŞ-ın Pakistanda apardığı xüsusi əməliyyat nəticəsində öldürülüb.
