Keçid linkləri

2024, 19 Mart, çərşənbə axşamı, Bakı vaxtı 09:33

Oqtay Gülaliyevin işində hökm oxundu


Oqtay Gülalıyev
Oqtay Gülalıyev

Yanvarın 25-də Nəsimi Rayon Məhkəməsində Azər Tağıyevin sədrliyi ilə keçirilən prosesdə hüquq müdafiəçisi Oqtay Gülalıyevin işi ilə bağlı qərar elan edildi.

Məhkəmə yol-nəqliyyat hadisəsini törətməkdə ittiham olunan Kənan Abdullayevi Cinayət Məcəlləsinin 263.1.-1 maddəsi (yol hərəkəti və nəqliyyat vasitələrinin istismarı qaydalarının pozulması, ehtiyatsızlıqdan zərər çəkmiş şəxsin sağlamlığına ağır zərər vurulmasına səbəb olduqda) üzrə təqsirli bilib. Ona 2 il 3 ay həbs cəzası verib.

Məhkəmənin qərarı ilə Kənan Abdullayev cəzasını məntəqə tipli cəzaçəkmə müəssisəsində çəkəcək. Bundan əlavə Abdullayev avtomobil sürmək hüququndan 3 il müddətinə məhrum edilib.

Hüquq müdafiəçisi Oqtay Gülalıyevin 2019-cu il oktyabrın 29-da Bakının mərkəzində piyada keçidində avtomobillə vurulduğu bildirilir.

Onun başından aldığı zədə nəticəsində hələ də komada olduğu deyilir. Fakt üzrə Cinayət Məcəlləsinin 263.1.1-ci maddəsi ilə cinayət işi qaldırılıb.

Oqtay Gülalıyev qəzadan sonra, elə 2019-cu il oktyabrın 29-da axşam Bakıdakı Kliniki Tibbi Mərkəzə gətirilib. Oktyabrın 31-də isə "City Hospital"da əməliyyat edilib.

O noyabrın 1-də Bakıdakı Respublika Neyrocərrahiyyə Xəstəxanasına köçürülüb. 2019-cu il noyabrın 5-də Heydər Əliyev Fondunun dəstəyi ilə müalicəsini davam etdirmək üçün Türkiyənin İstanbuldakı Avrasiya Klinikasına yerləşdirilib. Noyabrın 20-dən onun müalicəsi Amerika Xəstəxanasında davam etdirilib.

Ötən ilin noyabrında, məhkəməsi başlanmazdan öncə isə onun Bakıya gətirildiyi açıqlanıb.

Oqtay Gülalıyevi vuran avtomobilin sürücüsü hadisəni qəsdən törətmədiyini, bunun ehtiyatsızlıqdan baş verdiyini söyləyib.

Ancaq Azərbaycanda bəzi fəallar, müxalifət təmsilçiləri rəsmi açıqlama və sürücünün dediklərinə şübhə ilə yanaşırlar.

Bu müddət ərzində hüquq müdafiəçisi dörd dəfə əməliyyat olunub.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG