Keçid linkləri

Təcili xəbərlər
2020, 30 Oktyabr, Cümə, Bakı vaxtı 03:22

OPEC və Rusiya koronavirus təşvişində


Neft ixrac edən ölkələrin OPEC təşkilatının üzvləri neft qiymətlərinin sabit saxlanması məqsədilə onun hasilatının günə yarım milyon barrel azaldılmasına dair məsələni nəzərdən keçirirlər.

Reuters agentliyi OPEC-dəki “üç mənbəyə” istinadən xəbər verir ki, bu, koronavirusun yayılması ilə bağlı neftə tələbatın azalması ilə əlaqədardır.

Neft ixrac edən ölkələrin və Rusiyanın OPEC+ kimi tanınan birliyinin üzvləri bu münasibətlə fevralın 14-15-də fövqəladə iclas keçirməyi planlaşdırırlar.

Onlar bundan əvvəlki razılaşmaya görə martda toplaşmalı idilər.

Neftin qiyməti 2020-ci ilin əvvəllərindən 10 dollar düşüb və hazırda bir barrelin qiyməti 56 dollar təşkil edir.

Bu, OPEC-in bir çox üzvlərinin büdcə kəsiri ilə üzləşməmək üçün müəyyən etdiyi həddən aşağıdır.

Analitiklər və treyderlər hesab edirlər ki, Çindən yayılmaqda olan koronovirusa görə 2020-ci ilin birinci rübündə neftə olan tələbat günə 250 min barrel azala bilər.

Hətta OPEC üzvü İran da fevralın 3-də virusun yayılması ilə bağlı neftə tələbatın azalmasından həyəcan təbili çalıb.

The Wall Street Journal qəzeti yazır ki, neft bazarındakı sabitliyin saxlanması üçün Səudiyyə Ərəbistanında hasilatın günə 1 milyon dollar azaldılması lazım gələ bilər.

XS
SM
MD
LG