Keçid linkləri

2017, 18 Noyabr, şənbə, Bakı vaxtı 14:26

Britaniyada, 2011-ci ilin dekabrında yaranmış iki şirkətin Bakıdakı nümayəndəlikləri bu gün, sentyabrın 7-də bağlandıqları haqda borclularını xəbərdar edib. Eyni şirkətlərin təsisçiliyi ilə yaradılan bu şirkətlərə Azərbaycanda eyni şəxs rəhbərlik edirdi.

Vergilər Nazirliyinin mətbu orqanı («Vergilər» qəzeti) açıqlayıb ki, «Interex Service Group LLP» «Novacotek Transportation and Delivery Services LLP» şirkətlərinin Azərbaycandakı nümayəndəlikləri ləğv olunur. Bu nümayəndəliklər 2012-ci və 2014-cü illərdən fəaliyyət göstərirdi.

ŞİRKƏTLƏRİN RƏHBƏRİ EYNİ ŞƏXS İDİ

Bakıda müxtəlif ünvanlarda yerləşən bu şirkətlərə Bəhram Abdinov rəhbərlik edirdi. O, həm də «Novacotek Transportation and Delivery Services» şirkətinin Çexiyadakı nümayəndəsi idi. Bundan başqa, Azərbaycanın kommersiya reyestrində deyilir ki, B.Abdinov həm də başqa bir ofşor şirkətin – «Novacotek Trans-Continental Delivery Services and Logistics Limited» şirkətinin nümayəndəsidir. Bu şirkət Azərbaycanda 2001-ci ildən təmsil olunur.

ŞİRKƏTLƏRİN SAHİBLƏRİ MƏLUM DEYİL

Britaniyanın şirkətlər reyestrindən görünür ki, nümayəndəlikləri ləğv olunan şirkətlərin özlərinin də fəaliyyəti bu ilin mayında dayandırılıb. Hər iki şirkətin yaradıcıları Seyşel adalarında qeydiyyatdan keçmiş «AFK Business Management Ltd.»«Lancaster Management Association Ltd.» şirkətləridir. Bu ofşor şirkətlərin son sahibləri haqda bilgi yoxdur.

Bəlli olan budur ki, bu tandemin daha bir ortaqlığı var. 2012-ci ilin sentyabrında qurulan «Westerton Commerce LLP» şirkətinə bu ilin aprelindən Maryna Pelykh nəzarət etdi. Bu xanım Viktor Yanukovych-in prezidentliyi dönəmində Ukraynanın Dövlət İşlər İdarəsinin rəhbəri olmuş Andriy Kravets-in həyat yoldaşıdır. Ukraynanın UNIAN xəbər agentliyi belə yazır. «Westerton Commerce LLP» şirkətinin və Maryna Pelykh-ın təsis etdikləri «Kyiv-Art» MMC Kiyevdə parkinq, ticarət və biznes mərkəzinin inşası ilə məşğuldur.

Günün bütün mövzuları

XS
SM
MD
LG