ABŞ prezidenti Barack Obama çərşənbə axşamı Demokrat Partiyasından prezidentliyə namizəd Hillary Clintonun seçkiqabağı kampaniyasına qoşulub.
Qeyd edək ki, Hillary Glinton hazırda sətəlcəm xəstəliyindən əziyyət çəkir və hətta yüksək səlahiyyətli demokratlar onun seçkiqabağı kampaniyasının çətinə düşdüyünü etiraf edirlər.
Obama Hillary Clintonun Pensilvaniya ştatında keçiriləcək mitinqində iştirak edəcək. Bu həlledici mərhələ hesab olunur.
Çünki Clinton bir ay əvvəl rəqibi Donald Trumpu 9 faiz qabaqlayırdısa, indi bu fərq 6 faizə düşüb.
Hillary Clinton mitinqə qatılmayacaq, Nyu-Yorkdakı evində olacaq.
Ağ evin məlumatına görə, Barack Obamanın Clintonla bağlı küclü və müsbət çıxışı gözlənilir.
Obama bir gün əvvəl Konqres liderləri ilə görüşdə, jurnalistlərin Hillary Clintonun səhətilə bağlı sualına məhəl qoymayıb və bunu gülüşlə qarşılayıb.
Vitse-Prezident Joe Biden də bazar ertəsi Hillary Clintonun səhətinin yaxşı olduğunu bildirib, amma etiraf edib ki, bu bəzi demokratlarda böyük narahatlıq yaradıb ki, Respublikaçıların Hillary Clintona qarşı hücumları nəticə verir.
Biden qeyd edib ki, respublikaçıların indiyədək çox uğurla elədiyi şeylərdən biri, bizim namizədimiz ətrafında şübhə yaratmaq olub.
Biden bunu Clintonun Şimali Karolina ştatındakı seçki qərargahının açılışında deyib.
Qeyd edək ki, 11 sentyabr terror qurbanlarının Nyu-Yorkda keçirilən anım mərasimləri zamanı Hillari Clintonun halı pisləşib və az qalıb ki, huşunu itirsin.
Sonradan onun sətəlcəm olduğu bəlli olub.
ABŞ-da növbəti prezident seçkisi bu il noyabrın 8-də keçiriləcək.
Prezidentlik uğrunda Hillary Clinton və Respublikaçıların namizədi Donald Trump mübarizə aparacaq.
