►“Mən Azərbaycanda qazı, işığı, interneti olmayan bir kənddə doğulmuşam”
Bu sözləri fevralın 28-də keçirilən “O səs-Ukrayna “ yarışmasına qatılan gitaraçı- müğənni Çingiz Mustafayev səsləndirib.
Onun sözlərinə görə, 13 yaşı olanda atası dünyadan köçüb:
“Və musiqiyə olan tutqumu görən anam bütün qızıllarını satıb mənə gitara aldı”.
Artıq başlanğıcla diqqətləri özünə çəkən Çingiz anasına canlı yayımdan salam da göndərib və doğma dildə: “Səni sevirəm, ana” -deyə səslənib.
Maraqlıdır ki, yarışmada Çingiz oxuduğu mahnının (“Bamboleo”) ancaq girişini səsləndirməyə macal tapıb.
_____________________________________________________________
Bunlara da bax:
_____________________________________________________________
Tərslikdən onun gitarasının simi sınıb və müğənni: “bu ki, şoudur...”-deyərək mahnını azacıq aradan sonra orkestrin gitaraçısının müşayiətiylə davam etdirib.
Buna baxmayaraq münsiflərin dördü də ona tərəf çevrilib.
Münsiflərdən birinin “Mən 4 dəfə Bakıda olmuşam” atmacasına Çingiz Mustafayevin: “Necədir oralar?”-sualı belə cavablanıb: “Tezliklə Dubayı ötüb keçəcək!”
