Norveç sahillərində “Viking Sky” kruiz gəmisindən sərnişinlərin evakuasiyası davam edir.
Fırtına nəticəsində hərəkətsiz qalan gəmi SOS-fəlakət siqnalı verib.
Gəmi, mühərrikləri dayanarkən sahildən bir neçə kilometr aralıda-hərəkət üçün ən təhlükəli yerlərdən birində imiş.
Gəmidə ümumilikdə 915 sərnişin və 450-dən çox heyət üzvü var.
Türistlərin əksəriyyəti ABŞ və Kanadadandır.
İnternetdə gəminin göyərtəsindən videogörüntü yayılıb.
Onu Tvitterdə sərnişinlərdən biri-yazıçı və LGBT fəalı Alexus Sheppard yayıb.
Görüntüdə gəminin yırğalandığı və içəridəki əşyaların ora-bura sürüşdüyü, tavanın dağıldığı görsənir.
Xilasedici əməliyyata vertolyotlar cəlb edilib. İndiyədək 300-dən çox sərnişinin evakuasiya olunduğu bildirilir. 16 nəfər müxtəlif xəsarətlərlə hospitala götürülüb.
“Viking Sky gəmisinə” qoşqu gəmisi yan alıb.
Son məlumata görə, gəminin 4 mühərrikindən 3-nü işə salmaq mümkün olub və hazırda gəmi yaxınlıqdakı limana doğru hərəkət edir.
