Qazaxıstanda üzərində prezident Nursultan Nazarbayevin şəkli olan yeni pul vahidi buraxılır.
Qazaxıstan Milli Bankı-nın noyabrın 15-də verdiyi məlumatına görə, 10 000 tengelik yeni əskinaz bu il dekabrın 1-dən dövriyəyə buraxılacaq.
10 min tenge 30 ABŞ dolları civarındadır.
Rəsmi xalqın lideri titulu verilən 76 yaşlı Nazarbayev ölkəni 1991-ci ildən idarə edir.
Bu müddət ərzində ölkədə onun prezidentlik müddətinin uzadılması üçün bir sıra konstitusiya dəyişiklikləri edilib.
Paytaxt Astanada onun adına müzey və universitet var.
Dekabrın 1-i “Qazaxıstan Respublikasının birinci prezidenti günü” kimi qeyd olunur.