Keçid linkləri

2017, 26 Sentyabr, çərşənbə axşamı, Bakı vaxtı 20:10

Baş nazir "Panama sənədləri"nə görə istefadan qaçsa da istintaq davam edir


Nawaz Sharif

Pakistanın Ali Məhkəməsi baş nazir Nawaz Sharifi “panama sənədləri” qalmaqalına görə istefaya göndərməkdən imtina edib.

Bu barədə Reuters agentliyi məlumat yatyıb.

5 hakimdən 2-si Nawaz Sharifin istefasını istəsə də 3-ü təqdim edilən sübutları yetərincə saymayıb.

Amma Ali Məhkəmə baş nazirin 4 övladından 3-nə qarşı istintaqın davam etdirilməsini qərara alıb.

Onlar Londonda mülkiyyət almaq üçün ofşor şirkətlərdən istifadə etməkdə şübhəli bilinirlər.

İstintaqı xüsusi komissiya aparacaq və 2 aydan sonra nəticələri elan etməlidir.

Nawaz Sharif və qohumları bütün ittihamları rədd edirlər.

Amma Pakistan müxalifəti təcili baş nazirin istefasını tələb edir.

“Tehreek-e-Insaf” partiyasının lideri İmran Khan bildirib ki, istintaq altında olan insan baş nazir vəzifəsini tuta bilməz.

O deyib ki, əgər Nawaz Sharif günahkar olmadığını sübuta yetirə bilsə, 2 aydan sonra vəzifəsinə dönə bilər.

Beynəlxalq Jurnalist Araşdırmaları Konsorsiumunun

ötən il aprelin 3-də açıqladığı sənədlərə görə 200-dən çox Pakistan vətəndaşının ofşor şirkətləri olduğu bildirilir.

Baş nazir Nawaz Sharifin 2 oğlu (Hüseyin və Həsən) , qızı Məryəm , həmçinin Sharifin qardaşı və Pəncab əyalətininbaş naziri Shahbaz Sharifin 2 arvadının qohumları da onların arasındadır.

Günün bütün mövzuları

XS
SM
MD
LG