Keçid linkləri

Təcili xəbərlər
2021, 15 May, şənbə, Bakı vaxtı 22:45

Hüquq müdafiəçiləri: 'Rusiya boyu 1000 nəfər saxlanıb'


Moskva polisi etirazçıları saxlayır
Gözlə

No media source currently available

0:00 0:01:07 0:00

Moskva polisi etirazçıları saxlayır

Rusiya müxalifətinin lideri Aleksey Navalnı mayın 5-də Rusiya boyu etiraz aksiyaları keçirib.

"O, bizim üçün çar deyil" şüarı ilə keçirilən aksiyalarda Rusiyanın avtoritar prezidenti Vladimir Putin tənqid edilib.

Artıq Moskvada da aksiya başlayıb. Aksiya meriya ilə razılaşdırılmayıb.

***

"OVD-İnfo" xəbər verir ki, ölkə boyu 1000-cən insan saxlanıb. 600-a yaxın insan yalnız Moskvada saxlanıb.

Hələ ki polisin bu rəqəmlərə münasibəti bəlli deyil.

"OVD-İnfo" hüquq müdafiəçilərinin yaratdığı müstəqil media projektidir. Siyasi təqiblər üzrə ixtisaslaşıb.

***

Moskvada - Puşkin meydanında aksiyanın təşkilatçısı - müxalifət lideri Aleksey Navalnı saxlanıb.

O, aksiyaya gələn kimi saxlanılaraq naməlum istiqamətdə aparılıb.

Müxalifət lideri Navalnını belə tutdular
Gözlə

No media source currently available

0:00 0:00:06 0:00

***

Aksiyaçılar "Putin bizim prezident deyil", "Putin - oğrudur" şüarları qışqırırlar.

Moskva polisi Puşkin meydanı yaxınlığında etirazçıları saxlamağa başlayıb.

Polis əməkdaşları həm də meqafonla aksiyaçılara müraciət edirlər ki, "aksiya qanunsuzdur, dağılışın!"

Hakimiyyətyönümlü fəallar da buraya gəlib Navalnı tərəfdarlarına qarşı şüarlar səsləndirirlər.

***​

Sankt-Peterburqda da Navalnının tərəfdarları küçələrə çıxıb. Amma polis onların getmək istədiyi Saray meydanını (Dvortsovaya ploshad) bağlayıb.

***

Yakutskda yerli hakimiyyət orqanları ilə razılaşdırılmamış aksiyada 75 nəfər saxlanıb.

Bu barədə Azadlıq Radiosunun rus xidmətinə Navalnının tərəfdarları məlumat veriblər.

Saxlanmalar zamanı polis fiziki gücdən istifadə edib.

Novosibirskdə yerli icra hakimiyyəti ilə razılaşdırılmış mitinqə, polisin məlumatına görə 400 nəfər çıxıb.

XS
SM
MD
LG