Keçid linkləri

2017, 22 Noyabr, çərşənbə, Bakı vaxtı 13:27

Rusiya müxalifəti liderlərindən Aleksey Navalnı prezident Vladimir Putini onun təbirincə deyilsə siyasətçinin 2018-ci il seçki kampaniyasını əlaqələndirilmiş səylərlə əngəlləməkdə ittiham edib və bildirib ki, o Rusiya prezidentini buna görə məhkəməyə verəcək.

Navalnı noyabrın 1-də özünün internet saytında yazıb ki, Rusiya boyunca rəsmilər onun və komandasının ictimaiyyətlə görüşlər keçirməsinə mane olurlar.

Müxalifətçi bildirib ki, bütün bunlar şəxsən prezident Putin tərəfindən idarə olunur. O deyib ki, Putin onun təşkil etdiyi aksiyalara qatılan insanların sayından narahat olub.

O deyib ki, onun komandası rəsmi orqanlarından icazə alınmasına lüzum qoymamaq üçün görüşlərini şəxsi ərazilərdə keçirəcək.

Rusiya rəsmiləri Navalnının üzərində olan cinayət məsuliyyətinə görə onun seçkidə iştirakının mümkün olmadğını bildiriblər.

Rusiyaya 18 ildir rəhbərlik edən Putin 2018-ci il seçkisində iştirak edəcəyini hələlik rəsmən bəyan etməyib. Lakin onun 4-cü müddət prezidentlik üçün seçki yarışına qatılacağı gözlənilir.

Təhlilçilər bildirirlər ki, bu seçkidə də Putinin inamlı qələbəsi təmin ediləcək.

Navalnı 2013-cü ildə Moskva meri vəzifəsinə seçkidə səslərin 27 faizinə sahib ola bilmişdi.

Sənin fikrin

Şərhləri göstər

Günün bütün mövzuları

XS
SM
MD
LG