Keçid linkləri

Təcili xəbərlər
2019, 21 Aprel, bazar, Bakı vaxtı 02:43

NATO Polşada silah və sursat anbarı tikəcək


ABŞ qüvvələri Polşada. 21 mart, 2015

NATO Polşada silah və sursat anbarı tikmək planını təsdiqləyib.

Bu anbarlarda ABŞ istehsalı olan zirehli texnikalar,silah və sursatlar saxlanacaq ki, bu ümumilikdə hərbi briqadanın silahla təmin edilməsi üçün bəsdir.

NATO-nun nümayəndəsi Wall Street Journal-a bildirib ki, bu anbar Polşanın qərbindəki Povidze bölgəsində tikiləcək.

Bu bölgə paytaxt Varşavanın 200 kilometrliyində yerləşir.

Obyektin tikintisi təxminən 260 milyon dollara başa gələcək.

Tikinti işlərinə 2019-cu ilin sonlarında başlanacaq və təxminən 2 il sürəcək.

AFP agentliyi yazır ki, qərar, Rusiyanın Krımı ilhaq etməsi və Ukraynanın şərqindəki müharibədən sonra NATO-nun şərq cinahında iştirakının güclənmsi fonunda qəbul edilir.

Polşa hakimiyyəti, ölkə ərazisində ABŞ-ın daimi hərbi bazası olmasına çalışır.

Polşa prezidenti ona “Fort Trump” adı verilməsini təklif edib.

ABŞ hazırda bu ideyanı müzakirə edir.

NATO-nun baş katibi Jens Stoltenberg deyib ki, silah anbarlarının tikintisi ABŞ-ın Polşada iştirakının artmasından xəbər verməlidir.

Sənin fikrin

Şərhləri göstər

Günün bütün mövzuları

XS
SM
MD
LG