Ağ ev administrasiyası rəhbərinin səlahiyyətlərini Mick Mulvaney icra edəcək.
O, bundan əvvəl administrasiyanın büdcə idarəsinin rəhbəri idi.
“Guardian” qəzetinin yazdığına görə, qərarı prezident Donald Trump verib.
Mulvaney gələn ilin əvvəlindən administrasiyanın rəhbəri olacaq.
O, bu vəzifədə, John Kelly-ni əvəz edəcək.
Məlumatlara görə, Kelly ilə prezident Donald Trump arasında fikir ayrılığı yaranıb.
Mulvaney 2 il ərzində Ağ ev administrasiyasının 3-cü rəhbəri olacaq.
Şərhçilərin fikrincə Mulvanaey-in Ağ evin rəhbəri əvəzi təyin edilməsindən təxmin etmək olar ki, onun bu vəzifədə fəaliyyəti müvəqqəti olacaq.
Keçmiş konqresmen Mick Mulvaney kəskin büdcə qaydalarının tərəfdarıdır.
