Keçid linkləri

2024, 28 Mart, Cümə axşamı, Bakı vaxtı 23:09

Moskvada üçtərəfli məsləhətləşmələr keçirilib


Nikol Paşinyan Geqarkunikdə
Nikol Paşinyan Geqarkunikdə

Bu haqda Rusiyanın TASS informasiya agentliyi bir neçə mənbəyə istinadla xəbər verir

Çərşənbə günü – iyunun 2-də Moskvada Rusiya, Azərbaycan və Ermənistan təmsilçiləri məsləhətləşmə aparıb, Azərbaycan-Ermənistan sərhədində ayrı-ayrı rayonlarda gərginliyin azaldılmasını müzakirə ediblər.

Bu haqda Rusiyanın TASS informasiya agentliyi bir neçə mənbəyə istinadla xəbər verir. “İşçi kontaktların davam etdirilməsi razılaşdırılıb”, – mənbə TASS-a deyib.

Azərbaycan ötən il 44 günlük müharibə ilə Qarabağın bir hissəsini və ətraf 7 rayonu Ermənistanın işğalından azad edib. Laçın dəhlizinə, eləcə də Qarabağın içində qoşunların təmas xəttinə Rusiya hərbçiləri yerləşdirilib.

Mayın 12-də Ermənistanın Sünik və Geqarkunik rayonlarında sərhəddə vəziyyət gərginləşib. Ermənistan iddia edir ki, Azərbaycan sərhədi pozaraq onun ərazisinə girib. Azərbaycan isə sərhəd mövqelərini möhkəmləndirdiyini bildirir.

Gərginlik səngimir

Mayın 27-də Azərbaycan altı erməni hərbçisinin sərhədi keçərək diversiya törətdiyinə görə saxlandığını açıqlayıb. Ermənistan isə həmin hərbçilərin Geqarkunik rayonunda sərhəddə mühəndis işləri gördüyünü bəyan edib.

Yerevan ötən ay sərhəddə yaranmış gərginliklə bağlı KTMT-yə müraciət edib. Ölkənin müvəqqəti baş naziri Nikol Paşinyan iyunun 1-də Parisdə erməni icmasıyla görüşündə bir daha Azərbaycanı qoşunlarını çıxarmağa çağırıb.

“Ümid edirik, Rusiya həm KTMT tərəfdaşı, həm də strateji tərəfdaş kimi bu mövqeni dəqiq formalaşdıracaq. Çünki bu faktın təsdiqindən sonra Azərbaycan qoşunlarının çıxmaması KTMT-nin 4-cü maddəsinin işə salınması deməkdir. Bu maddə mövcud hərəkətləri üzv ölkəyə qarşı təcavüz kimi qiymətləndirir”, – Paşinyan deyib

Beynəlxalq təşkilatlar Ermənistanı və Azərbaycanı birgə sərhədin demarkasiya və delimitasiyasını danışıqlar və dinc yolla həll etməyə çağırıblar.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG