Keçid linkləri

Təcili xəbərlər
2018, 14 Noyabr, çərşənbə, Bakı vaxtı 17:21

Fərqli Rusiyanın varlığını göstərmək istəyənlər


Medvedevin əmlakı haqda film Rusiyada aksiyalara səbəb oldu
Gözlə

No media source currently available

0:00 0:01:24 0:00

Medvedevin əmlakı haqda film Rusiyada aksiyalara səbəb oldu

Qərb mediası Rusiyada bazar günkü etiraz aksiyalarını geniş işıqlandırır. Antikorrupsiya etirazlarında yüzlərlə adam saxlanıb. Nümayişlərin təşkilatçısı, müxalifət lideri Aleksei Navalny də onların içindədir.

«The New York Times» yazır ki, bu yürüşlər son 5 ildə prezident Vladimir Putin-ə qarşı ən böyük etiraz idi. Rusiyanın 99 şəhərində fəallar küçələrə çıxıb.

Məqalədə aksiyaların Belarusdakı kimi sərt yatırdılmamasına diqqət çəkilir, amma yenə də, polisin davranışının ABŞ prezidenti Donald Trump-ın Putin-lə yola getmək vədini çətinləşdirdiyi vurğulanır.

«PUTIN BANDOKRATİYASI»

Respublikaçı senator Ben Sasse bazar günü bəyanat yayıb: «Putin-in bandokratiyası tam çılpaqlığı ilə ortadadır. Birləşmiş Ştatlar Rusiyada dinc etirazçılara hücumlara göz yuma bilməz. Hamımız ifadə azadlığı tərəfdarıyıq və amerikalıların liderlərindən gözləntisi odur ki, ifadə, mətbuat, toplaşma və etiraz kimi təməl insan haqlarını tapdalayan banditləri tənqid etsinlər».

Daha sonra Dövlət Departamentinin sözçüsü Mark Toner Rusiyada yüzlərlə etirazçının saxlanmasını pisləyib.

Sankt-Peterburqda aksiya.
Sankt-Peterburqda aksiya.

Qəzet yazır ki, bazar günü aksiyası korrupsiya əleyhinə olsa da, Putin-ə qarşı ictimai etirazın nadir göstərisi idi. Son belə geniş etirazlar 2011-2012-i illərdə, seçki saxtakarlığına qarşı keçirilmişdi.

Gələn il Putin-in üçüncü dəfə prezidentliyə namizədliyini verəcəyi gözlənir. Ona meydan oxuyacaq elə bir güclü müxalif qüvvə yoxdur. Bircə Korrupsiyayla Mübarizə Fondunun rəhbəri Aleksei Navalny-dən başqa. Məhkəmə onun barəsində 5 illik şərti cəza hökmü çıxarıb ki, bu da Navalny-nin seçkidə iştirakını mümkünsüz edir. Amma o, seçkiyə qatılmaq niyyətini açıqlayıb. «The New York Times» vurğulayır ki, hətta prezidentliyə namizədliyini versə belə, Navalny-nin qələbə şansı azdır. Amma adının seçki bülletenində olması 2000-ci ildən bəri sərt idarə edilən seçki düzənini bitirmiş olar.

Polis aksiyaçıları saxlayır.
Polis aksiyaçıları saxlayır.

«HEÇ NƏ DƏYİŞƏN DEYİL»

«The Washington Post» qəzeti diqqəti Rusiyada dövlət televiziyasının məsələyə susqun yanaşmasına çəkir. Aksiyalar sosial mediada, ən çox da Twitter-də geniş işıqlandırılıb. «Interfax» xəbər agentliyi Sibirdə və Uzaq Şərdə yürüşlər barədə informasiya yayıb, 20-dən çox etirazçının saxlandığını bildirib. Agentlik polisə istinadla yazıb ki, Moskvada 7 minədək etirazçı toplaşıb. Amma qəzet Tver küçəsindəki kütlənin bundan qat-qat çox olduğunu vurğulayır.

Navalny-nin küçələrə çıxmaq çağırışına hay vermiş 36 yaşlı veb-dizayner Dmitry Charishnikov «The New York Times»a deyib ki, etirazlar Rusiyada heç nəyi dəyişən deyil, çünki rusiyalıların çoxu televiziyada gördüklərinə inanır və Putin-i güclü dəstəkləyirlər. Amma o, sözlərinə əlavə edir ki, yenə də fərqli bir Rusiyanın varlığını göstərmək istəyib.

Navalny bu ay baş nazir Dmitry Medvedev-in sərvətiylə bağlı hesabat yayıb. Parlament onun, hökumət rəsmilərinin yol verdiyi korrupsiyanı araşdırmaqla bağlı tələblərini qulaq ardına vurandan sonra kütləvi etirazlara çağırıb.

Günün bütün mövzuları

XS
SM
MD
LG