Keçid linkləri

2024, 29 Mart, Cümə, Bakı vaxtı 05:42

Gina Haspel Mərkəzi Kəşfiyyat İdarəsinin direktoru oldu


Gina Haspel
Gina Haspel

ABŞ Senatı agentlikdə keçmiş fəaliyyəti zamanı qəddar dindirmə metodlarını tətbiq etməsinə baxmayaraq Gina Haspel-i Mərkəzi Kəşfiyyat İdarəsinin (MKİ) direktoru vəzifəsinə təsdiq edib.

100 mandatlı Senatda Haspel-in direktorluğunun leyhinə 54, əleyhinə 45 senator səs verib. Səsvermə zamanı 6 demokrat senator da respublikaçılara dəstək verib.

MKİ-də 33 illik staja malik veteran bu agentliyin ilk qadın direktoru olacaq. O indiyədək MKİ-nin direktor əvəzi vəszifəsini icra edirdi.

O bu vəzifədə Mike Pomeo-nu əvəzləyəcək. Pompeo ötən ay ABŞ-ın dövlət katibi vəzifəsinə təsdiq edilib.

2002-ci ildə, 2001-ci ilin 11 sentyabr terror hücumundan dərhal sonra Haspel Taylanddakı məxfi saxlama mərkəzinə rəhbərlik edib.

Həmin vaxtlarda MKİ “su ilə işgəncə” də daxil sərt dindirmə metodlarından istifadə edirdi.

Mayın 9-da Senatda keçirilən ilk dinləmədə Gina Haspel Mərkəzi Kəşfiyyat İdarəsinin bir daha belə metodlardan istifadə etməyəcəyini bildirmişdi.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG