Keçid linkləri

2024, 19 Mart, çərşənbə axşamı, Bakı vaxtı 13:57

Həmsədrlər regiona son səfərlərinin yekununa dair bəyanat verib


İlham Əliyev Minsk qrupunun həmsədrlərini qəbul edir.
İlham Əliyev Minsk qrupunun həmsədrlərini qəbul edir.

ATƏT-in Minsk qrupunun həmsədrləri oktyabrın 29-dan noyabrın 2-nə kimi Cənubi Qafqaz regionuna səfərlərinin yekunu ilə bağlı bəyanat yayıblar.

Bu barədə məlumat ATƏT-in rəsmi saytında yayılıb.

Sənəddə bildirilir ki, onların səfərlərinin əsas məqsədi bu yaxınlarda Düşənbədə keçirilən MDB zirvə görüşü çərçivəsində Azərbaycanla Ermənistan liderləri arasındakı danışıqların nəticələrini müzakirə etmək, sülh prosesində bundan sonra atılacaq addımları müəyyənləşdirmək olub.

Həmsədrlər qeyd ediblər ki, səfər çərçivəsində Azərbaycan prezidenti İlham Əliyev,Ermənistanın baş naziri əvəzi Nikol Pashinanla görüşüblər, Ağdam rayonu ərazisində qoşunların təmas xəttində növbəti monitorinqdə iştirak edib, həmnçinin Kəlbəcər rayonuna baş çəkib, habelə, Beynəlxalq Qırmızı Xaç Komitəsi (BQXK), Qızıl Aypara Cəmiyyəti və BMT-nin Qaçqınlar üzrə Ali Komissarlığının nümayəndələri ilə vəziyyəti müzakirə ediblər.

Həmsədrlər bildiriblər ki, görüşlər zamanı hər iki ölkənin liderləri təmas xəttindəki vəziyyətin xeyli səngidiyini təsdiqləyiblər.

Onların vurğulamasına görə, bu ilin sonuna kimi Azərbaycan və Ermənistanın xarici işlər nazirlərinin görüşü barədə də razılıq əldə olunub. Həmsədrlər Vyanada ATƏT-in Daimi Şurasına səfərin yekunları barədə məruzə edəcəklər.

Xatırlatma

Qarabağ münaqişəsi ilə bağlı Azərbaycan və Ermənistan silahlı qüvvələri üz-üzə dayanıb. Bu münaqişə 1988-ci ildə başlayıb. 1994-cü ildə gerçəkləşən atəşkəs razılaşmasına qədər Azərbaycanın Dağlıq Qarabağ bölgəsi, ona bitişik 7 rayon və bəzi əlavə kəndlər işğal edilib. Atəşkəs razılaşmasından sonra da cəbhədə atəş səsləri eşidilməkdədir. Tərəflər, bir qayda olaraq, buna görə bir-birlərini ittiham edirlər.

Dağlıq Qarabağ münaqişəsinin həlli ilə bağlı sülh danışıqları ATƏT-in Minsk qrupu həmsədrlərinin vasitəçiliyi ilə aparılır. ABŞ, Rusiya və Fransa həmsədr dövlətlərdir.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG