Azərbaycan Mərkəzi Bankının (AMB) sərəncamında olan rəsmi valyuta ehtiyatlarında artım var.
Mərkəzi Bankın məlumatına görə, onun valyuta ehtiyatları oktyabrın 1-nə 5 milyard 534,5 milyon dollar olub. Bu göstərici ondan əvvəlki ay ilə müqayisədə 31 milyon dollar çoxdur.
2018-ci ilin əvvəli ilə müqayisədə isə ehtiyatlar 199,9 milyon dollar artıqdır.
AMB Azərbaycanın pul bazası ilə bağlı da son məlumatları bölüşüb.
Oktyabrın 1-nə olan göstəricilərə görə, pul bazası 8 milyard 871,5 milyon manat təşkil edib.
Bu göstərici avqustun sonuna olan rəqəmlərlə müqayisədə 553 milyon manat çoxdur.
Pul bazasının ilin əvvəli ilə müqayisədə isə 328 milyon manat artdığı qeyd edilir.