Keçid linkləri

2024, 28 Mart, Cümə axşamı, Bakı vaxtı 16:11

Türkiyə Mesxeti türkləri ilə həmrəy olduğunu bəyan edir


Gürcüstandakı yurdlarına qayıda bilmiş bir qrup Axısqa türkü
Gürcüstandakı yurdlarına qayıda bilmiş bir qrup Axısqa türkü

Ankara Mesxeti türklərinin sovet diktatoru İosif Stalin tərəfindən Gürcüstandan Mərkəzi Asiyaya deportasiya olunmasının 74-cü ildönümü günündə “onların mübarizəsinə” bundan sonra da dəstək verəcəyini bəyan edib.

Türkiyə Xarici İşlər Nazirliyinin noyabrın 14-də yayılmış bəynatında deyilir iki, Ankara Mesxeti türklərinin “şəraitini və repatriasiya prosesini yaxından izləməkdə davam edəcək”.

Sovet hökuməti həm də Axısqa türkləri adı ilə tanınan 115 minə yaxın Mesxeti türkünü 1944-cü il, noyabrın 14-də yük vaqonlarına dolduraraq kütləvi şəkildə sürgün edib. Onları bir millət kimi Türkiyəyə loyallıqda ittiham edirdilər.

Əksəriyyəti uşaqlar və qocalar olmaqla 13 min insan Cənubi Rusiyanın və Mərkəzi Asiyanın yollarında tələf olub.

Qafqazlardan İkinci Dünya Müharibəsi illərində deportasiya olunmuş başqa xalqlardan fərqli olaraq mesxetililərə tam şəkildə rəsmi bəraət verilməyib.

Gürcüstan 2007-ci ildə Mesxeti türklərinin repatriasiyası barədə qanun qəbul etsə də, onlar tarixi vətənlərinə qayıtmaq üçün lazımi sənədləri gürcü rəsmilərdən almaqda çoxsaylı bürokratik əngəllərlə üzləşiblər.

Dünyada 600 minədək Mesxeti türkünün olduğu təxmin edilir. Onların əksəriyyəti Azərbaycan, Qazaxıstan, Qırğızıstan, Rusiya, Türkiyə, Ukrayna, Özbəkistan və Birləşmiş Ştatlarda məskunlaşıb.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG