Keçid linkləri

2024, 19 Mart, çərşənbə axşamı, Bakı vaxtı 07:06

Merkel Avropanı Tehranın ‘aqressivliyinə’ qarşı tədbir görməyə çağırıb


Angela Merkel kral Abdullahla iyunun 21-də Əmmanda görüşüb
Angela Merkel kral Abdullahla iyunun 21-də Əmmanda görüşüb

Almaniya kansleri Angela Merkel Avropanı İranın Yaxın Şərqdəki “aqressiv” fəaliyyətlərinə qarşı təcili tədbirlər görməyə çağırıb:

"İranın aqressiv meylləri təkcə müzakirə edilməli deyil, bunların təcili qaydada həllinə ektiyac var”.

İyunun 21-də İordaniya kralı Abdullahla Əmmandakı görüşündən sonra verdiyi bəyanatda Almaniya kansleri deyib ki, Avropa ölkələri İranla 2015-ci ildə imzalanmış nüvə sazişinin saxlanmasına çalışsalar da, Tehranın ballistik raket proqramından, Suriyaya müdaxiləsindən və Yəməndə davam edən qanlı müharibədəki rolundan narahatdırlar.

Ötən may ayında ABŞ prezidenti Trump öz ölkəsini 2015-ci il sazişindən çıxarıb. Trump dəfələrlə bildirib ki, İranla bağlanmış saziş qüsurludur və Tehranın raket proqramını və İranın Yaxın Şərqdəki zərərli fəaliyyətini nəzərə almır.

İran Yaxın Şərq boyunca müxtəlif qruplaşmaları dəstəklədiyini danır və bildirir ki, onun nüvə proqramı dinc, raket proqramı isə müdafiə xarakteri daşıyır.

Almaniya 2015-ci il sazişində qalıb və Vaşinqtonun da bu razılaşmada qalması üçün uğursuz cəhdlər göstərib.

Merkel bunu da bildirib ki, İranın Suriyanın İordaniya sərhədinə yaxın bölgəsində olması səbəbilə kral Abdullahın narahatlığını bölüşür.

Tehran Suirya müharibəsindəRusiya ilə birlikdə Bashar al-Assad rejimini dəstkləyir.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG