Keçid linkləri

Təcili xəbərlər
2021, 30 İyul, Cümə, Bakı vaxtı 22:10

Mayamidə bina uçmasından sonra 99 itkin var


Mayamidə qismən uçmuş bina

ABŞ-ın Florida ştatındakı Mayami şəhərində 12-mərtəbəli binanın gecə saatlarında qismən uçması nəticəsində azı bir nəfərin öldüyü, 99 nəfərinsə axtarışının davam etdirildiyi bildirilir.

İyunun 24-də yüzlərlə xilasedici binanın xarabalıqlarını təmizləyərək axtarış aparmaqda idilər.

Rəsmilər xarabalıqlar altından 35 nəfərin sağ çıxarıldığını xəbər verirlər.

Serfsayd meri Çarlz Börket deyib ki, dağıntı böyükdür və o çox adamın sağ qala biləcəyinə inanmır.

Başqa bir rəsmi isə deyib ki, uçqunun altında 51 nəfərin qaldığı təxmin edilir.

O əlavə edib ki, ola bilsin uçqun zamanı bu adamlardan bəziləri evlərində olmayıblar.

Binanın uçmasından sonra 3 uruqvaylının, 6 paraqvaylının və 9 argentinalının itkin sayıldıqları bildirilib.

Bu barədə məlumatı Cənubi Amerikanın üç ölkəsinin konsulluqları veriblər.

Rəsmilər bədbəxt hadisəyə nəyin səbəb olduğunu bilmədiklərini söyləyirlər.

“The Champlain Towers South” adlı binanın 130 mənzilinin 80-də yaşayış vardı.

XS
SM
MD
LG