Keçid linkləri

2024, 19 Mart, çərşənbə axşamı, Bakı vaxtı 14:07

Gürcüstanın Marneuli rayonunda seçki günü atışma olub, 5 yaralı var


Foto arxiv
Foto arxiv

Gürcüstanın Marneuli rayonu Qızılhacılı kəndində baş verən atışmada yaralananlardan ikisi stabil-ağır vəziyyətdədir.

Bu barədə oktyabrın 20-də “Novosti-Qruziya” məlumat yayıb.

Oktyabrın 19-da hakim “Gürcü arzusu” partiyasının seçki qərargahında baş verən silahlı hücumda 5 nəfər yaralanıb.

Yaralananlardan biri hakim partiyadan deputatlığa namizəd Ceyhun Çovdarovdur.

Xəsarət alanlardan 4-ü Marneulidəki mərkəzi xəstəxanaya, biri isə “Aversi” şəhər klinikasına götürülüb.

Covdarov və onu müşaiyət edənlərdən biri təcili əməliyyat olunublar.

“Təxminən saat 23:30 radələrində bizə güllə yarası almış 4 nəfər gətirildi.Onlardan ikisini təcili əməliyyat etdik. Hazırda reanimasiya şöbəsindədirlər, vəziyyətləri stabil-ağırdır. Onlar qarın boşluğundan yaralanıblar” həkim Teya Zaridze deyib.

Onun sözlərinə görə digər iki nəfər isə əl və ayaqlarından xəsarət alıblar və hazırda həkim nəzarətindədirlər.

“Aversi” klinikasına götürülən 5-ci yaralı isə artıq evə buraxılıb.

Buna da bax: 'Borçalı ədəbiyyatında insan iştirak eləmir, dağ var, gül var, bülbül var'

Daxili işlər nazirliyi insidentlə bağlı istintaq aparır.

Gürcüstanın daxili işlər naziri Georgi Mgebrishvili , səhiyyə naziri David Sergeenko və Kvemo Kartli qubernatoru Georgi Nemsadze hadisə yerində olublar.

Qeyd edək ki, Gürcüstanın Marneuli bölgəsində əsasən azərbaycanlılar yaşayır.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG