Ukrayna hakimiyyəti: separatçılar hərbçilərə hücum edir

UKRAYNA XARİCİ İŞLƏR NAZİRİ PUTİNİ SÖYÜR

<sup>İyunun 14-də Kiyevdə Rusiya səfirliyi qarşısında keçirilən etiraz mitinqi çox dramatik keçib. Luqanskda hərbi təyyarənin vurulmasından və 49 nəfərin ölümündən qəzəblənən Maydan fəalları hesab edilər ki, bu qarşıdurmada silahlı separatçıları dəstəkləyən Rusiya Ukraynanın daxili işlərinə qarışır. Ukrayna hakimiyyəti də çıxılmaz vəziyyətdə qalıb, bir tərəfdən etirazçıların qəzəbini bölüşür, digər tərəfədən isə diplomatik missiyaların toxunulmazlığını təmin etməyə borcludurlar. Nəticədə etirazçılarla danışıqlara gələn millət vəkili Mykola Rudkovsky-ni səfirlik binasına daş atmağa məcbur etdilər. Xarici işlər naziri Andriy Deshchytsia-nı isə Rusiya prezidenti Vladimir Putini söyməyə məcbur etdilər (videoda rus dilində söyüş səslənir). Sonuncu hadisə Moskvanın hiddətinə səbəb olub. Fransalı həmkarı ilə telefon söhbətində Rusiya xarici işlər naziri Sergei Lavrov Kiyevədki etirazlrdan hiddətini bildirib. Dövlət Dumasının beynəlxalq siyasət komitəsinin rəhəbri Aleksei Pushkov isə bildirib ki, preizdent Poroshenko özünə nzaərt edə bilməyən xarici işlər nazirini qovmalıdır. Həmin komitənin sədr müavini, deputat Leonid Kalashnikov isə deyib ki, Ukrayna nazirinin elə hərəkətindən sonra onunla danışıqlar masası arxasına kiminsə oturmasını təsəvvür edə bilmir.

Ukrayna rəsmiləri diplomatik qalmaqalın şiddətini azaltmaq üçün Rusiya səfriliyi qarşısındakı insident iştirakçılarından 2 nəfərin həbs olunduğunu bəyan edərək, baş verənləri təxribat adlandırdı.
.</sup>

RUSİYA TV KANALLARININ TİLSİM GÜCÜ

İyunun 15-də Donetsk vilayətinin Qorlovka şəhərində kütləvi mitinq keçirilib. İyunun 14-də burada silahlı separatçıların qərargah kimi istifadə etdiklər binaya hava zərbələri vurulub. Bundan sonra şəhərin yüzlərlə Rusiyameylli sakinlərinin şəhər mərkəzindəki mitinqində çıxış edən silahlı dəstə rəhəbrlərindən biri deyib ki, dinc əhalinin dəstəyi olmasaydı silahlılar Ukrayna ordusuna qarşı belə uğurla müqavimət göztərə bilməzdi. O, bəyan edib ki, Ukrayna rəsmiləri yalan danışırlar, onların 1 dənə şəhəri belə nəzarətdə saxlamağa hərbi qüvvəsi yoxdur.

Separatçı liderinin sözündə müəyyən həqiqət var. Əhalinin bir qismi həqiqətən də Rusiyameylli yaraqlıları dastəkləyir. Lakin onun dedikləri həqiqətin ancaq bir həssəsidir. Çünki bu dinc sakinlərin simpatiyasının əsasında Rusiya mediasının apardığı güclü təbilğat kampaniyası durur.

Rusiya Televiziya kanallarında Ukrayna hadisələrini izləyən hər kəs bu silahın gücünü fərhal dərk edə bilər. Yuxarıda Rusiya jurnalsilərinin "qurşaqdan aşağı" zərbələrindən ancaq bir qisminə misal göstəririk. Ekspertlər hesab edir ki, Rusiya mediasının dezinformasiya gücü o qədər şiddətlidir ki, onun təsirini artıq hipnoz kimi də qiymətləndirmək olar. Həqiqətən də, fotosessiyada təqdim etdiyimiz görüntülərin ancaq sol tərəfdəkini bir daha nəzərdən keçirib, neytral adamın gördüklərni reaksiyasını təsəvvür etməyə çalışın.

Və nəhayət, həqiqətin bir tərəfi də odur ki, yaraqlıların nəzarətində olan ərazilərdə onlardan fəqli fikir sahibi olmaq insan həyatına birbaşa təhlükədir.

İL-76 faciəsi ətrafında xəbərlər

İyunun 14-də Luqansk aeroportunda vurulan təyyarə ilə bağlı Ukrayna rəhbərliyi xüsusi araşdırma aparır. İyunun 14-də prezident Poroshenko bu uçuşların təhlükəsizliyinin təmin olunmasındakı səhlənkarlıqdan danışmışdı. İyunun 15-də müdafiə nazirinin vəzifələrini icra edən Mikhail Koval bildirib ki, hazırda məsələ araşdırılır, onun nəticələrinin müəyyənləşdirilməsinə qədər Ali baş qərargahın opertiv idarə rəisi vəzifəsindən kənarlaşdırılıb.

Təyyarəyə raket hücumunu Luqansk separatçılarının liderləri öhdələrinə götürərərək, onun qondarma Luqansk xalq respublikasının uçuş qadağasını pozduğuna görə vurulduğunu bildiriblər. Bir müddət Rusiya mediası ümumiyyətlə təyyarənin Ukrayna əsgərləri tərəfindən vurulduğunu xəbər veriridi, Luqansk separatçılarına istinadən iddia olunurdu ki, videoda raketin Ukrayna hərbçilərinin nəzarətində olan aeroport tərəfdən atıldığı görünür. Bu sözarası əməlin motivi də izah olunurdu, aeroportu mühafizə edən Lvov və Dnepropetrovsk desantçıları arasında qarşıdurma olub. On günə yaxındır Luqansk aeroportu uğrunda gedən döyüşlərin də separatçılarla Ukrayna hərbçiləri arasında deyil, desantçıların öz arasındakı atışma olduğu bildirlirdi.

Ukrayna tərəfi bu xəbərlərə ancaq istehza ilə cavab verir. Yuxarıdakı videoda Luqansk separatçılarının aeroportu mühafizə edən Ukrayna qoşunlarına minomyotdan atəş açırlar.