Keçid linkləri

Təcili xəbərlər
2021, 13 May, Cümə axşamı, Bakı vaxtı 05:08

Manat sabit qalsa da qiymətlər qalxır- iqtisadçı rəyi


Azərbaycan manatı və dollar

Son bir ildə manatın məzənnəsində düşüş yaşanmır. Amma Azərbaycanda bir sıra sahələrdə qiymət artımı, hətta bəzi ərzaq mallarının bahalaşması davam edir.
İqtisadçı Vüqar Bayramov xadırladıb ki, Dövlət Statistika Komitəsinin açıqlamasına görə, bu il inflyasiya 3 faiz təşkil edib.

O, bildirib ki, xüsusən idxal olunan məhsulların qiymətində artım var. İqtisadçının vurğulamasına görə, ən çox kərə yağının qiymətində artımlar müşahidə olunur:

“İqtisadiyyat Nazirliyi qiymət artımlarının səbəblərini araşdırmalıdır”

Vüqar Bayramov
Vüqar Bayramov

“Sahibkarlar qiymət artmını kərə yağı istehsal olunan ölkələrdə qiymətlərin artması ilə əlaqələndirirlər.Amma bizim monitorinqlər qiymət artımlarının süni olduğunu göstərir və bunun istehsalçı ölkələrdə qiymətlərin dəyişməsi ilə birbaşa əlaqəsi yoxdur. Bəzi hallarda ərzaq məhsullarının qiyməti artıb, amma məhsulu istehsal edən ölkələrdə qiymət artımı müşahidə olunmur. İkinci, nəqliyyat xərclərində dəyişikliklər yoxdur, üçüncü, gömrükdə tariflər dəyişilməyib. Beləliklə, nəqliyyat xərcləri və gömrük rüsumları dəyişməyib, manatın məzənnəsi ötən ilin fevralından sabitdir, amma bir sıra ərzaq məhsullarının qiymətlərində artımlar var. Ona görə İqtisadiyyat Nazirliyi qiymət artımlarının səbəblərini araşdırmalıdır”.

Vüqar Bayramov sual edir ki, istehsalçı ölkədə məhsulun qiyməti dəyişməyibsə, nəqliyyat xərclərində dəyişiklik yoxdursa, nədən qiymət artımları baş verir?

“Son bir neçə gündə tərəvəz məhsullarının qiymətlərində də artm var”

“Əgər sahibkarlar qiymət artımları ilə daha çox gəlir əldə etməyə çalışırlarsa, o zaman bazar iqtisadiyyatı çərçivəsində müdaxiləyə ehtiyac var. İndiki halda əksər ərzaq məhsullarının qiymətlərinin artmasına zəmin yoxdur.Bu qiymət artımlarının hər birinin ayrılıqda araşdırılmasına və ictimaiyyətin məlumatlandırılmasına ehtiyac var. Əks halda istehlak bazarında ərzaq məhsullarının qiymətlərinin artımını müşahidə edəcəyik. Çox təəssüf ki, hətta mövsüm hələ başa çatmasa da, son bir neçə gündə tərəvəz məhsullarının qiymətlərində artm var. Ancaq bu qiymət artımları iqtisadi baxımdan izah edilə bilməz”,-deyə Vüqar Bayramov fikrini tamamlayıb.

İqtisadçı Azər Mehtiyev isə burada əsasən iki mühüm amilin olduğunu düşünür:

Azər Mehtiyev, auqust 2018
Azər Mehtiyev, auqust 2018

“Təbii ki, qiymət artımı mövsümü səciyyə daşıyır. Elə kənd təsərrüfatı və sənaye məhsulları var ki, onların ixrac imkanlarının asanlaşdırılması ölkə daxilində satılan məhsulların ya aşağı keyfiyyətli olmasına, yaxud da qiymətin artmasına səbəb olur. Ancaq yağ məhsullarında durum fərqlidir. Bu məhsulun Azərbaycana Ukraynadan, Rusiyadan və başqa ölkələrdən gətirilməsi faktdır. Həmin ölkələrin milli valyutasının dəyərsizləşməsi prosesi istər-istəməz idxal olunan məhsulların qiymətində özünü göstərir”.

XS
SM
MD
LG