NATO ölkələri fevralın 6-da Şimali Makedoniya respublikasının bu ittifaqa qoşulması barədə protokol imzalayacaqlar.
Bu barədə NATO-nun baş katibi Jens Stoltenberg fevralın 2-də özünün “Tvitter” səhifəsində məlumat verib.
“Fevralın 6-da tarix yazacağıq: NATO müttəfiqləri Şimali Makedoniyanın xarici işlər naziri Nikola Dmitrovla bu ölkənin ittifaqa qoşulması barədə protokol imzalayacaqlar”,Stoltenberq yazır.
Makedoniya parlamenti 2019-cu ilin yanvarında ölkənin Şimali Makedoniya adlandırılması ilə bağlı Yunanıstanla imzalanmış sazişi təsdiqlədi.
Ölkənin əvvəlki adı Yunanıstanın etirazına səbəb olmuşdu.Çünki Makedoniya Yunanıstanın əyalətlərindən biridir.
Buna görə də Yunanıstan Makedoniyanın NATO və Avropa Birliyinə qoşulmasını əngəlləyirdi.
Mübahisə yoluna qoyulduqdan sonra Yunanıstan etirazını geri götürdü.