Keçid linkləri

2024, 29 Mart, Cümə, Bakı vaxtı 13:34

Yunuslar haqqında məcburi gətirilmə qərarı çıxarıldı


L.Yunus və A.Yunus
L.Yunus və A.Yunus

Leyla Yunusun məhkəmə qərarına münasibəti
Gözlə

No media source currently available

0:00 0:00:38 0:00

Sülh və Demokratiya İnstitutunun direktoru Leyla Yunus və həyat yoldaşı, tarixçi-alim Arif Yunusun məhkəməyə məcburi gətirilməsi haqda qərar çıxarılıb. Qərarı mayın 17-də Bakı Apellyasiya Məhkəməsində Mirpaşa Hüseynovun sədrlik etdiyi hakimlər kollegiyası verib.

Məhkəmədə Yunusların vəkili Elçin Sadıqov vəsatət qaldıraraq, apellyasiya şikayətinə müdafiə etdiyi şəxslərin iştirakı olmadan baxılmasını istəyib. Vəsatətini əsaslandırarkən deyib ki, L.Yunus və həyat yoldaşının üzərində şərti cəza olsa da, onların ölkədən çıxışına Ali Məhkəmə icazə verib. Ona görə də, məhkəmənin onların iştirakı olmadan keçirilməsi mümkündür.

«Onların hazırda məhkəmədə iştirakı müalicə almaları səbəbindən mümkün deyil. Ona görə də, onların «Skype», «Whatsapp», «Facebook» vasitəsilə məhkəmə iclasına qatılması təmin edilsin», – E.Sadıqov bildirib.

Dövlət ittihamçısı vəsatətə etiraz edib və məhkəmədə Yunusların özünün iştirak etməsini istəyib.

Qısa müşavirədən sonra məhkəmə vəsatətin təmin olunmadığını açıqlayıb. Həmçinin Leyla və Arif Yunusların məhkəməyə məcburi gətirilməsi barədə qərar çıxarılıb.

Məhkəmə mayın 31-nə təyin olunub.

Leyla Yunus: 'İlham Əliyev təhlükəli yolla gedir'
Gözlə

No media source currently available

0:00 0:04:57 0:00

XATIRLATMA

Sülh və Demokratiya İnstitutunun direktoru Leyla Yunus və onun həyat yoldaşı Arif Yunus 2014-cü ilin yayında həbs olunublar. Onlar vergidən yayınma və başqa iqtisadi cinayətlərdə ittiham ediliblər. Hüquq müdafiəçiləri ittihamları qəbul etməyiblər.

2015-ci il avqustun 13-də Bakı Ağır Cinayətlər Məhkəməsi L.Yunusu 8 il 6 ay, A.Yunusu isə 7 il müddətinə azadlıqdan məhrum edib.

2015-ci ilin dekabrında Bakı Apellyasiya Məhkəməsi hökmü dəyişərək, şərti cəza ilə onları həbsdən buraxıb. Ötən il aprelin 19-da cütlük müalicə məqsədilə Azərbaycanı tərk edib. Bundan sonra L.Yunus Azərbaycanda həbsdə olan «Müsəlman Birliyi» Hərəkatının rəhbəri Taleh Bağırovun, bəzi başqa dindarların və siyasətçilərin beynəlxalq müdafiəsində yaxından iştirak etməyə başlayıb.

Ötən ilin dekabrında isə Ali Məhkəmə şərti cəzayla bağlı qərarı ləğv edib və işi yenidən baxılması üçün Bakı Apellyasiya Məhkəməsinə göndərib. İndi işə yenidən baxılır.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG