Bu görüntüləri Azadlıqradiosunun «Mobil Reportyor» bölümünə Lənkəran sakinləri yollayıb. Onların sözlərinə görə, Lənkəran rayonunun mərkəzindən 34 kilometr aralıda yerləşən Jidi kəndi ərazisində torpaq qatı sürüşüb.
Kənd sakinlərinin APA-ya verdikləri məlumata görə, sürüşmə yolda 100 metrlik ərazini əhatə edib. Lay torpaq qatının sürüşməsi nəticəsində yol keçilməz hala düşüb. Bu yoldan Gəgiran kəndinin sakinləri də istifadə edir.
Sakinlər sürüşmənin fervalın 5-də səhər saatlarında olduğu bildirirlər. Gün ərzində dövlət qrumları hadisə ilə bağlı hər hansı açıqlama yaymayıblar. Yerli sakinlər isə ümumiyyətlə hadisə baş verən gün ərazidə hər hansı iş getmədiyini bildiriblər.
Siz də çəkdiyiniz videoları bizə yollayın, yayımlayaq.
Whatsapp: +420 778 711 700
Görüntüləri elektron poçtla da yollamaq olar: efir@azadliqradiosu.az