Keçid linkləri

Təcili xəbərlər
2020, 07 İyul, çərşənbə axşamı, Bakı vaxtı 00:46

'Lap simptomlar olmadan yoluxma aşkar edilsə...'


Hökümət karantin qaydalaırnı sərtləşdirdi- həftə sonu evdən çölə çıxmaq olmaz
Gözlə

No media source currently available

0:00 0:03:06 0:00

Hökümət karantin qaydalaırnı sərtləşdirdi- həftə sonu evdən çölə çıxmaq olmaz

Son həftələr Azərbaycanda koronavirus infeksiyasına yoluxmada artım var. Hökumət bu həftədən həftəsonu Bakı və bir sıra iri şəhərlərdə küçəyə çıxmağa yasaq qoyub. Üstəlik, bu həftə parlament maska taxmamaqla bağlı İnzibati Xətalar Məcəlləsinə dəyişiklik etməklə cərimələr müəyyən etdi.

Bütün bunlarla koronavirusa yoluxma vəziyyətində yenidən müsbətə doğru dönüş yarana bilərmi?

"Geniş əhali təbəqələrinin testdən keçirilməsi vacibdir"

İctimai fəal Bəxtiyar Hacıyev AzadlıqRadiosuna deyib ki, ölkədə koronavirus infeksiyasına yoluxmanın qarşısını almaq üçün geniş əhali təbəqələrinin testdən keçirilməsini vacib sayır: "Bir sıra inkişaf etmiş ölkələrdə olduğu kimi, daha yaxşısı budur ki, insanlar sıx təmasda olduqları məkanlarda (iş yerlərində, böyük ticarət mərkəzlərində, ictimai nəqliyyatda), küçələrdə lap könüllü olaraq testdən keçmək istədikdə buna şərait yaradılsın. Lap simptomlar olmadan yoluxma aşkar edilsə, şəxs vəziyyəti ağırlaşmadan özünü təcridə alsa, digər insanların da iş və həyat fəaliyyətini davam etdirmələri təhlükəsiz olar".

B.Hacıyev
B.Hacıyev

Onun fikrincə, belə geniş testlərin aparılmaması virusun geniş yayılmasının səbəblərindən biridir: "Sıx təmas olduğu məkanlarda hərəkət edən şəxs yoluxduğunu bilmədiyi üçün digərlərini də yoluxdurur. Gündəlik 200-300 nəfərdə yoluxma aşkar edilibsə, həmin yoluxmanın aşkar edildiyi günə qədər həmin o şəxslər nə qədər digərlərini yoluxdurublar, məlum olmur".

"Həm tibbi, həm iqtisadi baxımdan səmərəlidir"

B.Hacıyevə görə, əhali arasında kütləvi testləşdirmə həm tibbi, həm də iqtisadi baxımdan səmərəlidir: "Əhalinin kütləvi testləşdirilməsinə çəkiləcək xərclər bu virusa yoluxanların tibbi müalicəsinə çəkilən xərclərdən, eyni zamanda, bu pandemiya dalğalanmalarının iqtisadiyyata vurduğu ziyanlardan dəfələrlə azdır. Bunları müqayisə etsək, arada böyük fərq görə bilərik. Ona görə də düşünürəm ki, əhalini kütləvi şəkildə testdən keçirmək az xərcli olmaqla məsələyə ən optimal yanaşmadır".

"Əhalinin çox bir az qisminin testdən keçdiyini söyləyə bilərik"

B.Hacıyev deyib ki, indiyə kimi Azərbaycanda koronavirusla bağlı ümumi testdən 320 mindən çox insanın keçdiyi bildirilir: "Nəzərə alsaq ki, onların bir çoxu iki dəfə testdən keçiriliblər, bu da ən çox xaricdən Azərbaycana gətirilmiş şəxslərə tətbiq edilir. Yerdə qalan rəqəmləri ölkə əhalisinin ümumi nisbəti ilə müqayisə etsək, əhalinin çox bir az qisminin testdən keçdiyini söyləyə bilərik".

B.Hacıyev əlavə edib ki, digər sahələrdə olduğu kimi, bu sahədə də rəsmi açıqlanan statistikaya münasibətdə bir çox insanlarda müəyyən tərəddüd və şübhələr var.

F.Ağamalı
F.Ağamalı

"Dövlət öz üzərinə düşən bütün addımları atıb"

Deputat Fəzail Ağamalı isə "Turan" agentliyinə deyib ki, Nazirlər Kabineti yanında Operativ Qərargahın problemə yanaşması doğrudur və statistik rəqəmlər gerçəyi ifadə edir. Onun vurğulamasına görə, pandemiyaya qarşı mübarizədə dövlət öz üzərinə düşən bütün addımları atıb, vəzifəsini məsuliyyətlə yerinə yetirib, Ümumdünya Səhiyyə Təşkilatı da bunu etiraf edib: "Onu da etiraf edək ki, əhalinin xeyli hissəsinin bu məsələyə münasibətində biganəlik, laqeydlik var. Sosial şəbəkələrdə müəyyən qruplar insanlarda virusun təhlükəli olmasına inamsızlıq yaradır, müəyyən kəsim də onlara inanır, bu isə virusun ölkədə geniş yayılmasına səbəb olur. Bununla həm də müəyyən qruplar hökumətin bu sahədə işinin öhdəsindən gələ bilməməsi kimi məkrli ictimai rəy formalaşdırmaq istəyirlər".

"Vətəndaşlar məsuliyyət hissini gücləndirsələr..."

Deputat hesab edir ki, vətəndaşlar məsuliyyət hissini gücləndirsələr, tezliklə bunun öhdəsindən gəlmək olar. F.Ağamalı vurğulayıb ki, ölkədə sərt karantin rejimi dövründə yoluxmaların, ölümlərin az olması bunun sübutudur.

Geniş əhali təbəqələrinin testdən keçməsi ilə bağlı təklifə gəlincə, F.Ağamalı hesab edir ki, test kifayət qədər keçirilir. Ölkədə uşaqlar istisna olmaqla testdən 7-8 milyon insanın keçməli olduğunu qeyd edən F.Ağamalı sonra da əlavə edib: "Bu nə dərəcədə mümkündür? Bunu etmək fiziki cəhətdən realdır, ya yox, bunu bilmirəm. Amma bu sahədə Azərbaycanda görülən işlər hələ ki, müsbətdir. Dünya Səhiyyə Təşkilatı da ölkədə həyata keçirilən tədbirləri təqdir edir".

Bakı sakinləri bazara axışır
Gözlə

No media source currently available

0:00 0:01:46 0:00

Xatırlatma

2019-cu ilin sonlarında dünyada yeni koronavirus aşkar edilib.

Bu il martın 11-də Ümumdünya Səhiyyə Təşkilatı koronavirusu pandemiya elan edib. Dünyada sürətlə yayılan bu virusa indiyə qədər 6.7 milyon şəxsin yoluxduğu bildirilir. Onlardan da artıq 393 mindən çox şəxsin vəfat etdiyi açıqlanıb. Azərbaycanda isə hazırkı dövrədək 6 min 522 nəfərin koronavirus infeksiyasına yoluxduğu müəyyən edilib, onlardan 78 nəfər vəfat edib.

Martın 14-dən, əksər ölkələr kimi, Azərbaycanda da bununla bağlı kütləvi tədbirlər ləğv edilib. Həmin ayın 24-dən xüsusi karantin rejimi elan edilib. Dövlət əhəmiyyətli sahələr və bir sıra mühüm xidmətlər istisna olunmaqla, əksər yerlərdə fəaliyyət dayandırılıb. Aprelin 5-dən də karantin rejimi çərçivəsində ölkədə hərəkət məhdudiyyətləri müəyyən olunub. Həmin qaydaya görə, dövlət qurumlarında, habelə fəaliyyətinə icazə verilən bir sıra sahələrdə çalışanlardan başqaları tibbi zərurət yarananda, mağazaya, aptekə və yasa gedəndə evdən çıxa bilərdilər. Bundan ötrü onlar 8103 nömrəsinə SMS göndərib icazə almalı idilər. Amma aprelin 27-dən bəzi iş və xidmət sahələrinə qoyulan qadağa götürülüb. Mayın 4-dən bölgələrdə, 18-dən isə Bakı və iri şəhərlərdə SMS-lə icazə almaq qaydası da ləğv edilib, məhdudiyyətlər ümumilikdə azaldılıb. Mayın 31-dən isə karantin rejimi bir qədər də yumşaldılıb. Artıq iri ticarət mərkəzləri də fəaliyyətə başlayıb.

Azərbaycanda koronavirus infeksiyasına ilk yoluxma halı fevralın 28-də aşkarlanıb. Son həftələr virusa yoluxmada təkrar artım müşahidə edilir. Halbuki, bir müddət əvvəl yoluxma halları azalmışdı.

XS
SM
MD
LG