Dekabrın 23-də Bakı və Abşeron yarımadasında havanın əsasən yağmursuz keçəcəyi gözlənir. Cənub-qərb küləyinin əsəcəyi, gündüz arabir güclənəcəyi təxmin edilir.
Ekologiya və Təbii Sərvətlər Nazirliyinin Milli Hidrometeorologiya Departamentinin məlumatına görə, Abşeronda gecə 4-6, gündüz 7-11, Bakıda gecə 4-6, gündüz 8-10 dərəcə isti proqnozlaşdırılır.
Dekabrın 23-də Azərbaycanın rayonlarında da havanın əsasən yağmursuz olcağı ehtimalı var.
Gecə 2-5, gündüz 8-13 dərəcə isti, dağlarda gecə 0-5 dərəcə şaxta, gündüz 3-6 dərəcə isti təxmin edilir.
Nazirlik xəbərdarlıq verir ki, dekabrın 23-dən 25-dək bəzi rayonlarda qərb küləyinin əsəcəyi, ayrı-ayrı yerlərdə arabir güclənəcəyi proqnozlaşdırılır.