Dekabrın 25-də NASA və Avropa Kosmik Agentliyi (ESA) kosmosa kainatın mənşəyinin tədqiqində inqilab edəcəyi bildirilən yeni güclü kosmik teleskop göndərib.
Buraxılış Fransa Qvianasındakı Kuru poliqonundan həyata keçirilib.
Məlumata görə, qurğu infraqırmızı və optik diapazonlarda kosmosu tədqiq edəcək və bu, qalaktikaların təkamülü haqqında çox şey açacaq. Bundan əlavə, "Ceyms Webb" uzaq planetlərin atmosferlərini tədqiq edəcək. Bu, elm adamlarına onların həyata uyğun olub olmadığını anlamağa kömək edəcək.
Dörd həftə ərzində teleskop Yerdən bir milyon yarım kilometr uzaqlıqdakı ikinci Laqranj nöqtəsi adlanan yerə keçəcək. Sonra bir neçə ay ərzində o, alətin kalibrlənməsi mərhələlərindən keçəcək və ilk təsvirlər buraxılışdan təxminən il yarım sonra alınacaq.
Sözügedən teleskopun yaradılması üzərində 30 ildən çox iş aparılıb. Kosmik gəmi NASA-ya 10 milyard dollara başa gəlib. Bu, ilkin hesablanan təxmini dəyərdən 20 dəfə çox olub.
Teleskop Apollon Ay proqramının rəhbərinin adını daşıyır. "Ceyms Webb" öz sələfi Hubble teleskopunu əvəz edəcək. Yeni cihazın hələ 2007-ci ildə kosmosa göndərilməsi nəzərdə tutulsa da bu tarixlər dəfələrlə dəyişdirilib.
***
Texniki problemlər və hava səbəbindən yaranan gecikmələrdən sonra "Ceyms Webb" Kosmik Teleskopu Fransa Qvianasındakı ESA buraxılış bazasından səhər yerli vaxtla saat 9:20-də buraxılmalıdır.
Hər şey planlaşdırıldığı kimi getsə, ABŞ istehsalı olan 6350 kiloqramlıq teleskopu kosmosa Fransa istehsalı raket daşıyacaq. Raketin 26 dəqiqəlik uçuşundan sonra teleskop kosmosa buraxılacaq.
Daha sonra orbitə çatmaq və demək olar ki, tennis kortu ölçüsünə dönmək üçün bir ay davam edəcək uçuşa çıxacaq.
Mühəndislər Cənubi Amerika ölkəsindəki bazada uyğun hava şəraitinə ümid edirlər.
Dekabrın 25-də şəraitin təhlükəsiz olmasını təmin etmək üçün buraxılışdan üç saat əvvəl atmosferi təhlil etmək üçün hava şarı göndəriləcək. Astronomlar və astrofiziklər onilliklərdir ki, dəyəri 9 milyard dollardan çox olan teleskopun yerləşdirilməsini səbirsizliklə gözləyirlər.
