Aprelin 20-nə kimi dərs olmayacaq
"Yoluxma hallarının qarşısının alınması məqsədilə sosial təcrid tədbirləri çərçivəsində 2020-ci ilin martın 29-dan aprelin 18-dək (ilk tədris günü aprelin 20-si müəyyən edilir) bütün təhsil müəssisələrində tədris, təlim-tərbiyə prosesinin dayandırılmasına və bununla bağlı bütün tədbirlərin təxirə salınmasına dair qərar qəbul olunub".
Prezident koronavirusa görə 1 milyard manat ayırıb
Dövlət başçısı İlham Əliyev martın 19-da koronavirusla (COVID-19) bağlı 1 milyard manat pul ayırıb. Sənəddə yazılıb ki, dünya enerji, səhm bazarlarında baş verən dalğalanmaların Azərbaycan iqtisadiyyatına, makroiqtisadi sabitliyə, məşğulluq məsələlərinə və sahibkarlıq subyektlərinə mənfi təsirinin azaldılması ilə bağlı tədbirlərin maliyyələşdirilməsi üçün dövlət büdcəsindən Nazirlər Kabinetinə 1 milyard manat ayrılsın. Sərəncama əsasən, 4 işçi qrup yaradılmalı, onlar müxtəlif sahələr üzrə təsirləri dəyərləndirərək öz təkliflərini hazırlamalıdırlar.
Prezident: '...Nə vaxtsa fövqəladə vəziyyət də elan oluna bilər'
"Hər kəs bunu bilsin və istisna edilmir ki, nə vaxtsa fövqəladə vəziyyət də elan oluna bilər".
AZƏRTAC-ın xəbərinə görə, bunu prezident İlham Əliyev Novruz bayramı münasibəti ilə Azərbaycan xalqına təbrik nitqində koronovirusla mübarizədən bəhs edərkən söyləyib.
Dövlət başçısı bildirib ki, məsuliyyətsizliklə əlaqədar faktlar daxil olur, eyni zamanda, açıq təxribat da görünür: "Bu təxribat haradan gəlir, beşinci kolondan, içimizdə oturan düşmənlərdən, özünü «müxalifət» adlandıran ünsürlərdən, xaricdən pul alan satqınlardan. Onların əsas məqsədi Azərbaycanı məhv etməkdir".