Türkiyə Avropanın doqquz ölkəsindən 3600 vətəndaşını vətənə gətirib. Koronavirusa görə Türkiyə 20 ölkə ilə uçuşu dayandırıb.
Xaric işlər naziri Mevlut Çavuşoğlu deyib ki, digər vətəndaşlar da ölkəyə geri gətiriləcəklər.
Onun sözlərinə görə, bu məqsədlə Türk Hava Yollarının 34 təyyarəsi səfərbər olunub.
Başqa ölkələrdən gətirilənlər 14 gün karantində saxlanacaq.
Martın 17-ə olan məlumata görə, dünyada 182 min nəfər koronavirusa yoluxub, 7100 nəfər bu virusa görə həyatdan gedib.