Azərbaycan Kinematoqrafçılar İttifaqının icraçı katibi, gənc nəslə göstərdiyi dəstəklə tanınan Əli İsa Cabbarovun istefa verdiyi, təşkilatın rəhbərliyinə isə yaşlı nəslin nümayəndəsi Şəfiqə Məmmədovanın gətirildiyi iddia olunur. Jurnalist və kino tənqidçisi Elvin Cəbizadə hesab edir ki, bu dəyişiklik hakimiyyətin liberal gəncləri nəzarətə almaq və ən kiçik sahədə belə azad düşüncəyə imkan verməmək cəhdidir: "2015-ci ildən sonra Azərbaycanda yeni bir kino dalğası formalaşırdı. Müstəqil rejissorlar yaranırdı, onlar azad ideyalar, fərqli düşüncələr axtarır və mövcud sərhədləri aşırdılar".