Şabran rayonunda kanalizasiya sisteminin partladığı və böyük bir ərazini tullantılar basdığı bildirilir.
"Report"un xəbərinə görə, rayonun ümumi kanalizasiya xəttinin V. Abdullayev adına qəsəbəsində zədələnərək partlaması səbəbindən təxminən 3 hektar ərazi tullantıların altında qalıb. Bu üzdən ərazini üfunət bürüdüyü vurğulanıb.
Xəbərə görə, tullantılardan yaranmış gölməçənin suyu yaxınlıqdan keçən su kanalına tökülərək, Xəzər dənizinə (göl) axır .
Sakinlər epidemioloji-gigiyenik qaydaların pozulmasından, müxtəlif xəstəliklərin yaranmasından narahatdırlar.
Məsələyə, hələlik, rəsmi qurumlardan münasibət almaq mümkün olmayıb.
