Çeçenistan Respublikasının başçısı Ramzan Kadırov Türkiyə rəhbərliyindən bu ölkədə “gizlənən çeçenlərin” Qroznıya təslim edilməsini rica edib.
Kadırov özünün İnstagram hesabından yazır ki, “Çeçenistanda bir sıra terrorçu aktlarla əlaqəli şəxslər hazırda Türkiyə ərazisində gizlənirlər”.
Çeçenistan başçısı onlardan bəzilərinin Türkiyə hüquq-mühafizə orqanları tərəfindən artıq həbs olunduqlarını bildirir.
Ramzan Kadırov yazır ki, bu adamlar barədə cinayət istintaqının aparılması və onların mühakimə olunması üçün Rusiyaya təslim edilmələri lazımdır.
