Keçid linkləri

Təcili xəbərlər
2020, 15 Avqust, şənbə, Bakı vaxtı 15:38

Jurnalist Nazirlər Kabinetinin qarşısında aksiya keçirib


P.Abışova

Polis tərəfindən saxlanılan jurnalist sərbəst buraxılıb. O, saxlanılması haqda şərh vermək istəməyib.

+++

İyulun 9-da müstəqil jurnalist Pərvin Abışova Nazirlər Kabinetinin qarşısında təkadamlıq aksiya keçirib. Bu haqda AzadlıqRadiosuna jurnalist özü danışıb.

O, Nazirlər Kabineti yanında Operativ Qərargahın xüsusi karantin dövründə jurnalistlərin peşə fəaliyyəti ilə məşğul olmaq üçün icaze.e-gov.az portalında qeydiyyatdan keçmək qərarına etiraz edib.

Aksiya zamanı P.Abışova bildirib ki, qərargahın qərarı jurnalistlərin informasiya almaq azadlığına yaradılmış süni maneədir.

"Xüsusi karantin rejimi elan edildikdən sonra işləyə bilmirəm və məni kirayə qaldığım mənzildən çıxarıblar", - jurnalist söyləyib.

P.Abışova əraziyə cəlb olunmuş polis əməkdaşları tərəfindən saxlanılıb.

Məsələ ilə bağlı Nazirlər Kabinetindən və Daxili İşlər Nazirliyindən münasibət öyrənmək mümkün olmayıb.

XS
SM
MD
LG