İsraillə Çad, 47 illik fasilədən sonra diplomatik münasibətləri bərpa ediblər.
İsrailin baş naziri Benjamin Netanyahu yanvarın 20-də bu ölkənin paytaxtı Ndjamena-ya səfər edib.
ŞAD 1972-ci ildə İsraillə diplomatik əlaqələri pozmuşdu.
Netanyahu yola düşməzdən əvvəl bunu tarixi səfər adlandırıb və qeyd edib ki, indi İsraillə ərəb və müsəlman ölkələri arasındakı münasibətlərdə inqilab baş verir
Netanyahu və ÇAD prezidenti İdris Debi, görüşdükdən sonra iki ölkə arasında diplomatik münasibətlərin rəsmi şəkildə bərpa olunduğunu bəyan ediblər.
ÇAD prezidenti də iki ay əvvəl Qüdsə səfər edib.
Netanyahu ötən ilin oktyabrında Omana da gözlənilməz səfər etmişdi.
Öz növbəsində Səudiyyə Ərəbistanı İsrail uçan təyyarələrin onun hava məkanından istifadə etməsinə icazə verib.
Müşahidəçilər son vaxtlar İsraillə Ərəb ölkələri arasındakı münasibətlərin istiləşməsini, terrorçu təşkilatlardan gələn ümumi təhlükə, həmçinin İranın regionda nüfuzuna qarşı mübarizə ilə bağlayırlar.