Keçid linkləri

Təcili xəbərlər
2020, 22 Oktyabr, Cümə axşamı, Bakı vaxtı 19:39

İranla sərhəd daha 2 həftə bağlı qalacaq


Yük maşınlarının hərəkətinə maneyə qoyulmadığı bildirilir

Azərbaycanın İranla sərhədinin bağlanması müddəti uzadılıb.

Bununla bağlı bugün, martin 12-də Azərbaycan Nazirlər Kabineti yanında operativ qərargah məlumat yayıb.

Məlumatda bu addım Ümumdünya Səhiyyə Təşkilatının koronavirus infeksiyasını (COVID-19) qlobal pandemiya elan etməsi və Azərbaycan ərazisində virusun yayılmasının qarşısını almaq məqsədilə izah edilir:

“29 fevral 2020-ci il tarixində qəbul edilmiş İran İslam Respublikası ilə sərhədin məhdudlaşdırıcı rejim əsasında müvəqqəti bağlı saxlanmasına dair qərar növbəti iki həftə müddətinə uzadılmışdır”, açıqlamada yazılıb.

İranla sərhəddə insanların gediş-gəlişi dayandırılsa da, yük maşınlarının hərəkətinə maneyə qoyulmadığı bildirilir.

Xatırlatma

Ötən ilin sonunda Çində yeni koronavirus aşkar edilib. Bir müddət sonra bu virus Azərbaycanın qonşusu - İranda da özünü kəskin şəkildə göstərməyə başlayıb.

Bundan sonra bir sıra ölkələr İranla sərhədi bağlayıb. Azərbaycan isə bəzi qonşu ölkələrdən bir qədər gec - yalnız fevralın 29-da iki həftəlik İranla dövlət sərhədlərinin məhdudlaşdırıcı rejim əsasında bağlanması barədə qərar verdiyini açıqlayıb.

Azərbaycanda 15 şəxsin bu virusa yoluxduğu açıqlanıb. Onlardan 3-nün indiyə kimi sağaldığı deyilir. Əsasən İrandan qayıdan yüzlərcə şəxsin isə koronavirus şübhəsi ilə karantinə alındığı söylənir.

Son bir neçə ayda dünyada bu virusdan 4 mindən çox şəxsin vəfat etdiyi bildirilir.

Bu virusdan ölüm hallarına Çindən sonra daha çox İtaliya və İranda rast gəlindiyi vurğulanır.

XS
SM
MD
LG