Keçid linkləri

2024, 29 Mart, Cümə, Bakı vaxtı 11:13

İran Telegram-dan istifadəni məhdudlaşdırır


İranın hakimiyyət orqanları yerli provayderlərə populyar mesajlaşma platforması Telegram-a xidmət göstərilməsi üçün verilmiş lisenziyanı ləğv edib.

İranın Telekommunikasiyalar İnfrastrukturu Şirkəti aprelin 26-da bildirib ki, lisenziyanın ləğvi barədə göstəriş ölkənin dövlət internet tənzimləyicisi - Ali Kiberfəza Şurası tərəfindən verilib.

Bəyanatda deyilir ki, bu qərar ölkə daxilində Telegram-dan istifadənin “keyfiyyətini” təsirləndirə bilər.

Bu da qeyd olunur ki, bundan sonra daxil olan trafik İranın “beynəlxalq” kommunikasiya kanallarından keçəcək.

Bundan bir qədər əvvəl İran hakimiyyət orqanları Telegram-ın milli təhlükəsizlik mülahizələri ilə bloklanacağını bildirmişdi. Telegram-ın İranda 40 milyon istifadəçisinin olduğu təxmin edilir.

İran hökuməti Telegram-ı artıq bir dəfə, ötən yanvarda ölkəni etiraz dalğası bürüyəndə müvəqqəti olaraq bağlamışdı.

Son həftələrdə İran hakimiyyət orqanları vətəndaşları Telegram-ın “yerli alternativlərindən” istifadəyə həvəsləndirməyə çalışırdı.

Ali Kiberfəza Şurasının rəhbəri Əbülhəsən Firuzabadi aprelin 25-də iddia edib ki, guya son həftələrdə Telegram-dan istifadə 27 faiz azalıb.

İranın bu addımından bir qədər əvvəl Rusiya Telegram-ın bloklanması barədə qərar qəbul etmişdi.

Bu ona görə baş vermişdi ki, Telegram-ın sahibi, əslən rusiyalı Pavel Durov aplikasiyanın kod açarlarını Federal Təhlükəsizlik Xidmətinə verməkdən imtina etmişdi.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG