Keçid linkləri

Təcili xəbərlər
2020, 21 Oktyabr, çərşənbə, Bakı vaxtı 05:54

İran deyir ki, amerikalı veteran ‘fərdi şikayətə’ görə saxlanıb


Məşhəd həbsxanası

İran prokuroru yanvarın 25-də bildirib ki, ABŞ donanma veteranı “fərdi şikayət” əsasında saxlanıb.

46 yaşlı Michael White İranda ötən iyul ayından saxlanıb və o Donald Trump prezident olandan bəri bu ölkədə saxlanmış ilk amerikalıdır.

İranın yarırəsmi Mehr xəbər agentliyi yanvarın 25-də prokuror Gholamali Sadeghi-yə istinadən bildirib ki, bu iş hazırda “təhqiqatdadır”.

Prokuror bundan artıq informasiya vermçəyib. O habelə veterana qarşı təhlükəsizliklə bağlı ittihamların irəli sürülə biləcəyinə dair də heç nə deməyib.

White-ın anası oğlunun tez bir zamanda azad olunmasına çağırıb. O deyib ki, oğlu xərçəng xəstəsidir və tibbi yardıma ciddi ehtiyacı var.

Joanne White-ın sözçüsü Jonathan Franks yanvarın 25-də açıqlanmış bəyanatda bildirib ki, veteranın səhhəti barədə məlumatı onunla bir yerdə həbsxanada olmuş İran vətəndaşları veriblər.

İran Xarici İşlər Nazirliyinin sözçüsü Bahram Qasemi bu ayın əvvəllərində White-ın həbsi abrədə The New York Times qəzetinin yanvarın 7-də dərc etdiyi xəbəri təsdiq etmişdi.

Bununla yanaşı sözçü amerikalının hansı ittihamla saxlandığı barədə məlumat verməmişdi.

Qəzet White-ın anası Joanne-nın dilindən yazırdı ki, o İrana “beş və ya altı dəfə” sevgilisi olan qadını görmək üçün gedib.

White-ın həbsi barədə məlumat habelə yanvarın 7-də İran mühacirlərinin Iran Wire xəbər saytı tərəfindən yayılmışdı.

Onun Məşhəd həbsxanasında saxlandığı bildirlirdi.

İran bundan əvvəl də qərbliləri, əsasən danışıqlarda təzyiq vasitəsi kimi istifadə etmək məqsədilə saxlayıb.

XS
SM
MD
LG