Keçid linkləri

2024, 11 May, şənbə, Bakı vaxtı 04:28

Prezident administrasiyası yeniləndi


Prezident sarayı
Prezident sarayı

Prezident administrasiyasının yeni strukturu təsdiqlənib. Strukturda dəyişikliklər var.

Yeni strukturda ölkə başçısının əvvəlkindən fərqli olaraq 5 yox, 10 köməkçisi olacaq.

Yeni təsdiqlənən strukturda ilk sırada administrasiyanın rəhbəri Ramiz Mehdiyevin adı gəlir.

Prezidentin köməkçisi Cəmilə Abbasova, katibliyinin rəisi isə Dilarə Seyidzadədır.

Buna da bax:​ N.Məmmədov: 'Ölkə uçurum qarşısında qalmışdı'

Azərbaycanın birinci vitse-prezidentinin katibliyinə yeni rəis təyin edilən Altay Həsənov da bu struktura daxildir. O. indiyədək Gimnastika Federasiyasının rəhbəri olub.

Aqrar siyasət məsələləri üzrə köməkçisi Azər Əmiraslanov, ərazi-təşkilati məsələləri üzrə köməkçisi Zeynal Nağdəliyev, xarici siyasət məsələləri üzrə köməkçi Novruz Məmmədov, ictimai-siyasi məsələlər üzrə köməkçi Əli Həsənov, iqtisadi məsələlər üzrə köməkçi Əli Əsədov, iqtisadi siyasət və sənaye məsələləri üzrə köməkçi Natiq Əmirov da struktura daxildir. Onlar həm də şöbə müdirləridir.

Buna da bax:​ Azərbaycandakı sülalə hakimiyyəti Avropadan ötrü pis əlamətdir. Niyə?

Yeni strukturda ölkə başçısının hərbi məsələlər üzrə köməkçisi Vahid Əliyevin adı yoxdur. Onun funksiyaları prezidentin hüquq mühafizə orqanları ilə iş üzrə köməkçisi Fuad Ələsgərova həvalə edilib. O, prezidentin hüquq mühafizə orqanları ilə iş və hərbi məsələlər üzrə köməkçisidir. Həmdə, administrasiyada şöbə müdiri.

Strukturda başqa dəyişiklik yoxdur.

Strukturda iki yer - prezidentin millətlərarası münasibətlər, multikulturalizm və dini məsələlər üzrə köməkçisi və humanitar siyasət məsələləri şöbəsinin müdiri postları boşdur.

Buna da bax:​ Vitse-prezident təyin edilməsindən 100 gün keçir [video]

Ötən il Azərbaycanda referendumla Konstitusiyaya bir sıra dəyişiklik edilib. Dəyişiklikdən biri də vitse-prezident institutunun təsis edilməsi olub.

Bu il isə prezident İlham Əliyev həyat yoldaşı Mehriban Əliyevanı birinci vitse-prezident təyin edib.

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG