Keçid linkləri

Təcili xəbərlər
2020, 29 Oktyabr, Cümə axşamı, Bakı vaxtı 21:21

İkram Rəhimovun yenidən məhkəməsi olacaq


Jurnalist Ikram Rəhimov

Realliq.info saytının həbsdə olan redaktoru İkram Rəhimov-un girov əvəzində buraxılmasının istəndiyi vəsatətə baxılacağı məhkəmənin vaxtı bəlli olub.

Onun vəkillərinin müvafiq vəsatəti, artıq,Səbail Rayon Məhkəməsində icraata verilib.

İ.Rəhimovun ailə üzvləri AzadlıqRadiosuna bildiriblər ki, məhkəmə noyabrın 26-da keçiriləcək. Vəsatətə hakim Şahin Abdullayevin sədrlik etdiyi məhkəmə heyətinin baxacağı gözlənir.

İkram Rəhimov vəkilləri məhkəməyə göndərdikləri vəsatətdə onun barəsindəki həbs qərarının ev dustaqlığına dəyişdirilməsini xahiş ediblər. Məhkəmədən onun 11 min manat girov əvəzində azadlığa buraxılması istənilib.

Xatırlatma

İkram Rəhimovu oktyabrın 26-da Dövlət Təhlükəsizliyi Xidməti əməkdaşları saxlayıb. Ardınca onun haqqında məhkəmənin qərarı ilə həbs qəti imkan tədbirç seçilib. O tutulmazdan əvvəl prezidentin köməkçisi Əli Həsənovu tənqid etdiyinə görə, izlənildiyini və təqib edildiyini bildirib.Bu açıqlamaya Əli Həsənovdan hər hansı münasibət almaq mümkün olmayıb. Ancaq Mətbuat Şurasından onun açıqlamalarını əsassız sayıblar.

Dövlət Təhlükəsizliyi Xidmətinin ictimai əlaqələr şöbəsinin məlumatında isə İkram Rəhimovun başqalarından pul tələb etməkdə günahlandırıldığı qeyd olunurdu.

“İkram Rəhimov Cinayət Məcəlləsinin 182.2.1-ci və 182.2.2-ci (qabaqcadan əlbir olan bir qrup şəxs tərəfindən təkrarən hədə-qorxu ilə tələb etmə) maddələri üzrə şübhəli şəxs kimi saxlanaraq, cinayət məsuliyyətinə cəlb edilib”, məlumatda qeyd edilirdi.

İkram Rəhimov 2016-cı ildə böhtana görə, 1 illiyə azadlıqdan məhrum edilmiş, daha sonra vaxtından əvvəl azadlığa buraxılmışdı. O, onda da ittihamı qəbul etmirdi.

.

XS
SM
MD
LG