Keçid linkləri

2024, 19 Mart, çərşənbə axşamı, Bakı vaxtı 07:32

Haker hücumu yanacaqdoldurma stansiyalarının işini pozub


İran, arxiv fotosu
İran, arxiv fotosu

ISNA yarırəsmi xəbər agentliyi yanacaqdoldurma stansiyaları sahibləri assosiasiyasının prezidentinə istinadla kiberhücum olduğunu yazıb

İranda yanacaqdoldurma stansiyalarının işində hökumətin idarə etdiyi sistemdən qaynaqlanan kəsinti yaranıb. Dövlət televiziyası bunun kiberhücum olduğunu deyib.

Milli Təhlükəsizlik Şurasının rəsmisi oktyabrın 26-da benzin paylayıcı kompüter sisteminə hücum olduğunu təsdiqləyib. Stansiyalarda isə uzun növbələr yarandığı, çoxunun bağlandığı xəbər verilir.

“Texniki problem”

Bundan öncə IRNA dövlət mediası Daxili İşlər Nazirliyinin sözçüsünə istinadla insidentin subsidiya ilə verilən yanacaq üzrə kart sistemində “texniki problem”lə bağlı olduğunu yazırdı. Hökumət kiberhücumu etiraf etmək istəmirdi.

ISNA yarırəsmi xəbər agentliyi isə yanacaqdoldurma stansiyaları sahibləri assosiasiyasının prezidentinə istinadla kiberhücum olduğunu yazıb. Xəbər az sonra silinib, proqramda problem çıxması haqda şərhlərlə əvəzlənib.

Neft Nazirliyi rəsmilərinin problemi yoluna qoymaqdan ötrü “fövqəladə iclas” keçirdiyi deyilir.

Sosial mediada yayılan videolarda Tehran daxil bəzi şəhərlərdə elektron küçə bilbordlarında Ali dini lider Əli Xameneyiyə ünvanlanan mesajlar oxunur: “Xameneyi, yanacağımız hanı?”

Xameneyinin ofisindəki nömrə

ISNA yazır ki, hökumətin verdiyi kartla yanacaq almaq istəyənlər “kiberhücum 64411” mesajını oxuyublar. Bu xəbər də sonradan silinib, amma sosial media istifadəçiləri oxşar mesajları paylaşıblar.

“64411” ali dini liderin ofisində şəriət qanunuyla bağlı suallar üçün nəzərdə tutulmuş qaynar xətdir.

Bu insident İranda 2019-cu ilin noyabr etirazlarının ildönümünə təsadüf edir. Etirazlara subsidiyalı qazın bahalanması səbəb olmuşdu, sonradan ölkəboyu anthökumət etirazlarına çevrildi.

Təhlükəsizlik qüvvələri etirazları zorakılıqla yatırdı. “Amnesty International” azı 304 nəfərin öldürüldüyünü bildirdi. Parlamentin milli təhlükəsizlik komitəsinin sədri Müctəba Zonur 230 nəfərin həlak olduğunu deyirdi. Təsdiqlənməmiş məlumatlarda isə 1500-dək etirazçının öldüyü iddia edilirdi.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG